جىل باسىنان بەرى 32 نىسانعا مونيتورينگ جۇرگىزىلدى

2328
Adyrna.kz Telegram

شىمكەنت قالاسىندا ساۋلەت، قالا قۇرىلىسى جانە جەر قاتىناستارى باسقارماسى تاراپىنان زاڭسىز جانە زاڭ تالابىن بۇزىپ سالعان قۇرىلىستار بويىنشا مونيتورينگ جۇرگىزىلۋدە.

شىمكەنت قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسى باسشىسىنىڭ مىندەتىن ۋاقىتشا اتقارۋشى ن. ارحاباەۆتىڭ ايتۋىنشا، 2021 جىلدىڭ قاڭتار-ناۋرىز ايلارىندا قۇرىلىس نىساندارىنا مونيتورينگ جۇمىستارى تەمىرلان تاس جولى، جەلتوقسان كوشەسى، قوناەۆ، بايدىبەك بي داڭعىلى، ارعىنبەكوۆ كوشەلەرى بويىنشا اتقارىلدى.
اتاپ ايتقاندا، زاڭ تالاپتارىن ورەسكەل بۇزىپ، قۇرىلىس نورمالارى مەن زاڭ تالاپتارىن ساقتاماي ءوز بەتىنشە سالىنعان (سالىنىپ جاتقان), قۇرىلىس مەرزىمى ۇزاق ۋاقىتتان بەرى توقتاپ تۇرعان، بەلگىلەنگەن تارتىپپەن ساراپتامادان وتكىزبەي قۇرىلىس جۇمىستارى جۇرگىزىلگەن نىساندارعا ءتيىستى تەكسەرۋ جۇمىستارىن جۇرگىزۋ ءۇشىن شىمكەنت قالاسىنىڭ قالالىق ورتا ساپاسى جانە باقىلاۋ باسقارماسىنا 32 نىسان جولداندى.

سونداي-اق، شاھاردا اۋدان اكىمدىكتەرىمەن بىرلەسە رەتسىز (زاڭسىز) ورنالاستىرىلعان سىرتقى جارناما نىساندارىنا رەيدتىك ءىس-شارالار جالپى قالا كوشەلەرى مەن داڭعىلداردا جۇرگىزىلدى.
ءىى-توقساندا ەڭبەكشى جانە قاراتاۋ اۋداندارىندا رەتسىز (زاڭسىز) ورنالاستىرىلعان سىرتقى جارناما نىساندارىن زاڭداستىرۋ بويىنشا جۇمىستار قولعا الىنادى.

شىمكەنت قالاسى اكىمدىگىنىڭ ءباسپاسوز قىزمەتى

 

پىكىرلەر