“ساربازدار اش”: اسكەردە بەرىلەتىن تاماقتىڭ سيقى وسى ما؟

2143

جامبىل وبلىسىندا جەرگىلىكتى بولىمدە وتان الدىنداعى بورىشىن وتەپ جاتقانداردىڭ جاعدايى قىزۋ تالقىعا ءتۇستى. جەلىدە ساربازداردىڭ تۇسكى اس پەن كەشكى اسقا شاعىمدانىپ جاتقانى ايتىلاتىن ۆيدەو تارالدى. بۇل تۋرالى كتك ارناسى حابارلادى.

ۆيدەودا ساربازدار وزدەرىنە بەرىلەتىن شۇجىق پەن ىرىمشىكتىڭ 17 ادامعا از ەكەنىن ايتادى. سورپانى ادەتتە تاباقتان قىرىپ الىپ ءىشۋ كەرەك. ءسۇت اتىمەن جوق. ولارعا ءسۇت بەرۋ ءتيىستى ەمەس دەگەن جاۋاپ ەستيتىن سىڭايلى.

الايدا بەلگىلى بولعانداي، بۇل جازبا ەكى جىل بۇرىن تۇسىرىلگەن بولىپ شىقتى. سودان بەرى مەكەمەنىڭ تاماقتانۋ قالپى رەتتەلگەن. قورعانىس مينيسترلىگى مۇنداي قيىندىقتار ءالى دە بولىپ تۇراتىنىن ايتىپ ءوتتى. سوزدەرىنشە، مۇنىڭ ءبارى اسكەري بولىمدەردى تاماقپەن قامتاماسىز ەتۋ كونكۋرسىندا جەڭىسكە جەتكەن جاۋاپكەرشىلىگى جوق ۇيىمداردىڭ كەسىرى.

“ساپاسىز قىزمەت كورسەتۋ جاعدايلارى ورىن الۋدا ەكەنى وكىنىشتى. ءاربىر فاكتى بويىنشا ءىس جۇرگىزىلىپ، ءتيىستى تالاپتار قويىلادى. اتالعان فاكتى بويىنشا 2019 جىلى ءتيىستى جۇمىستار ۋاقتىلى جۇرگىزىلدى. لۋگوۆوي گارنيزونىندا تاماقتانۋ ماسەلەسى شەشىلدى", - دەيدى قر قم اقپارات جانە كوممۋنيكاتسيالار دەپارتامەنتىنىڭ وكىلى عاني ءنۇسىپوۆ.

پىكىرلەر
ۇقساس جاڭالىقتار