قازاقستان ارمياسىنىڭ ساربازدارىنىڭ جالپى العاندا 2 ميلليارد تەڭگەگە جۋىق نەسيەسى بار، دەپ حابارلايدى "ادىرنا" پورتالى.
«5 مىڭنان استام ساربازعا 1 ملرد 875 ملن تەڭگە نەسيەلىك قارجىسىنا تولەۋ مەرزىمى ۇزارتىلدى. قازىرگى ۋاقىتتا بانكتەر مەن شاعىن نەسيە ۇيىمدارى 5 مىڭعا جۋىق اسكەري قىزمەتشىنىڭ 1,6 ملرد تەڭگەگە ءوتىنىمىن قاراۋدا»، - دەپ حابارلايدى قر قورعانىس مينيسترلىگىنىڭ ءباسپاسوز قىزمەتى.
كەيىنگە قالدىرۋ بۇكىل قىزمەت نەمەسە اسكەري دايىندىق كەزەڭىنە بەرىلەدى. بۇل رەتتە اقپارات الماسۋ مۇددەلى ورگانداردىڭ اقپاراتتىق جۇيەلەرىنىڭ ءوزارا ءىس-قيمىلى ارقىلى جۇزەگە اسىرىلۋى ءتيىس.
ايتۋلارىنشا، قر قورعانىس مينيسترلىگى مەن قارجى نارىعىن رەتتەۋ جانە دامىتۋ اگەنتتىگى مەموراندۋم جاساسقان. قورعانىس مينيسترلىگى «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسىنىڭ زاڭىنا جاڭا 50-1-باپتى ەنگىزۋ تۋرالى باستاما كوتەردى. زاڭ جوباسى ماجىلىستە قارالۋدا.
سونداي-اق اسكەري وقۋعا شاقىرىلعان تۇلعالارعا نەگىزگى قارىزدى جانە سىياقىنى تولەۋدى كەيىنگە قالدىرۋ ۇسىنىلدى.
