چەمپيوندار ليگاسىنىڭ جالپى كەزەڭى اياسىندا الماتىدا «قايراتپەن» كەزدەسەتىن «رەال مادريد» كلۋبى ۋەفا-عا رەسمي حات جولداپ، ەرەكشە ءوتىنىش جاساعان، دەپ حابارلايدى "ادىرنا" ۇلتتىق پورتالى.
قازاقستان باق-ىنىڭ حابارلاۋىنشا، يسپاندىق كلۋب وكىلدەرى ورتالىق ستاديونداعى گازوندى قايتا قىرقۋدى سۇراپ، الاڭداعى ءشوپتىڭ بيىكتىگى 25 ميلليمەتردەن اسپاۋى ءتيىس ەكەنىن كورسەتكەن. الايدا ۋەفا ءوتىنىشتى قاناعاتتاندىرمادى. ۇيىم ەرەجەسىنە سايكەس، گازون بيىكتىگى 30 ميلليمەتردەن اسپاسا، تالاپ تولىق ورىندالعان بولىپ ەسەپتەلەدى.
وسىعان بايلانىستى الاڭ يەلەرى ءوز شەشىمىن وزگەرتپەدى.
ايتا كەتەيىك، مادريدتىك فۋتبولشىلار ادەتتە 20–22 ميلليمەترلىك گازوندا ويناۋعا ۇيرەنگەن. سوڭعى جىلدارى ولاردىڭ كەزدەستىرگەن ەڭ بيىك گازونى 27 ميلليمەتردى قۇراعان. ول - «حەتافەنىڭ» ستاديونى.
ۇقساس جاڭالىقتار
