Jambyl oblysynda jergilikti bólimde Otan aldyndaǵy boryshyn ótep jatqandardyń jaǵdaıy qyzý talqyǵa tústi. Jelide sarbazdardyń túski as pen keshki asqa shaǵymdanyp jatqany aıtylatyn vıdeo taraldy. Bul týraly KTK arnasy habarlady.
Vıdeoda sarbazdar ózderine beriletin shujyq pen irimshiktiń 17 adamǵa az ekenin aıtady. Sorpany ádette tabaqtan qyryp alyp ishý kerek. Sút atymen joq. Olarǵa sút berý tıisti emes degen jaýap estıtin syńaıly.
Alaıda belgili bolǵandaı, bul jazba eki jyl buryn túsirilgen bolyp shyqty. Sodan beri mekemeniń tamaqtaný qalpy rettelgen. Qorǵanys mınıstrligi mundaı qıyndyqtar áli de bolyp turatynyn aıtyp ótti. Sózderinshe, munyń bári áskerı bólimderdi tamaqpen qamtamasyz etý konkýrsynda jeńiske jetken jaýapkershiligi joq uıymdardyń kesiri.
“Sapasyz qyzmet kórsetý jaǵdaılary oryn alýda ekeni ókinishti. Árbir fakti boıynsha is júrgizilip, tıisti talaptar qoıylady. Atalǵan fakti boıynsha 2019 jyly tıisti jumystar ýaqtyly júrgizildi. Lýgovoı garnızonynda tamaqtaný máselesi sheshildi", - deıdi QR QM Aqparat jáne kommýnıkaııalar departamentiniń ókili Ǵanı Núsipov.
