قالا اكىمى مۇرات ايتەنوۆ قالاداعى بىرقاتار كوتەرمە ساۋدا قويمالارى مەن مەديتسينالىق بۇيىم شىعاراتىن مەكەمەلەردى ارالادى.
تەكسەرۋ كەزىندە «نپو زەردە» جشس، «اق نيەت» جشس، «اپتەكا №5»، «ATAMIRAS.S» جشس كوتەرمە قويمالارىنا بارعان اكىم جوسپارلانعان دارىلىك زاتتاردى جەتكىزۋ جانە جيناقتاۋ بويىنشا رەزەرۆتىك قورلارمەن قامتاماسىز ەتىلۋىنە كوز جەتكىزدى.
وتكەن جىلى كوروناۆيرۋسپەن كۇرەسكە قولدانىلاتىن دارىلەرگە بيۋدجەتتەن 180 ملن تەڭگە ءبولىندى. بيىل تاعى 659 ملن تەڭگە كولەمىندە تۇراقتاندىرۋ قورىنا قارجى بولىنبەك. وسى جۇمىستار ناتيجەسىندە دارىحانالارداعى ءدارى باعاسى 15-30 پايىز تومەندەگەن بولاتىن.
بۇگىنگى تاڭدا شىمكەنتتە ءدارى-دارمەك قورى جەتكىلىكتى. ءدارىحانالار مەن ەمحانالاردا 4 ملن 144 مىڭ دانا دارىلىك زاتتار بار. ونىڭ ىشىندە ىستىق تۇسىرەتىن، انتيبيوتيكتەر، گليۋكاناتتار سەكىلدى ۆيرۋسقا قارسى قولدانىلاتىن ءدارى-دارمەك ءتۇرى كەزدەسەدى. باعالارى 25 تەڭگەدەن باستالادى.
مەديتسينالىق ۇيىمداردا 900 ملن تەڭگەگە ءدارى-دارمەك قورى، 46 941 جقق جيىنتىقتارى، 2 ميلليون مەديتسينالىق بەتپەردە، 1 014 600 مەديتسينالىق قولعاپ دايىندالدى.
قويمالاردى ارالاعان مۇرات ايتەنوۆ كەيىننەن كۇنىنە 20 مىڭ بەتپەردە شىعاراتىن «ءBىzhon» جشس-ى مەكەمەسىنە باردى. مۇنداعى بەتپەردەلەر ءۇش قاباتتى ءبىر رەت قولدانىلادى. 2020 جىلى جالپى سوماسى 78 400 000 تەڭگەنى قۇرايتىن 2 240 000 دانا مەديتسينالىق ءبىر رەتتىك بەتپەردە وندىرگەن.
ال، «ەكوفارم» جشس مەكەمەسىندە كوپ رەتتىك جانە ءبىر رەتتىك مەديتسينالىق كيىمدەر تىگىلەدى. ءوندىرىس ورنى تاۋلىگىنە 2000 دانا مەديتسينالىق قورعانىس كيىمىن تىگۋگە قاۋقارلى. وتكەن جىلى سوماسى 4 520 985 404 تەڭگەگە 648 876 دانا مەديتسينالىق بۇيىمداردى شىعاردى. ونىڭ ىشىندە وباعا قارسى كيىمدەر، كوپ رەت قولدانىلاتىن داكە تاڭعىشتار بار.
ارالاۋ سوڭىندا قالا اكىمى «ايكومەك 109» ورتالىعىندا قالاداعى فارم كومپانيالاردىڭ جانە ءتيىستى سالا باسشىلارىنىڭ قاتىسۋىمەن ونلاين كوشپەلى جينالىس وتكىزدى. وندا فارماتسەۆتيكالىق مەكەمە وكىلدەرىنىڭ ماسەلەلەرىن تىڭداپ، ورتاق شەشىمدەر قابىلداندى.
- وتكەن جىلعى قاتەلىكتى قايتا بولدىرماۋ ءۇشىن ءدارىحانالار مەن قالا تۇرعىندارىنا بارىنشا تۇسىندىرمە جۇمىستارىن جۇرگىزۋ كەرەك. ۆيرۋسقا قارسى ءدارى-دارمەكتەر تەك دارىگەر نۇسقاۋلىعىمەن عانا ساتىلۋى كەرەك. پاندەميا ۋشىققان ساتتە تۇرعىندار اراسىندا دارىلەردى كوپتەپ ساتىپ الىپ، ۇيىندە ساقتاپ، مەرزىمى مەن ساقتالۋ شارتتارىن ساقتاماعان، ءوزىن ەمدەيمىن دەپ كەرىسىنشە اسەر العان جايلار دا ورىن الدى. ءۇي جاعدايىندا ءوزىن ەمدەۋ، الىپساتارلىق سەكىلدى ماسەلەلەر تۋىنداماۋى ءتيىس. كوروناۆيرۋسپەن اۋىرعان ناۋقاستار اۋرۋحانالاردا تەگىن ەم قابىلدايدى. زاڭسىزدىقتار ورىن الار بولسا باسشىلار قاتاڭ جاۋاپكەرشىلىككە تارتىلادى. بارلىعى ءوزىمنىڭ ءجىتى باقىلاۋىمدا بولادى، - دەدى قالا باسشىسى.
وسى رەتتە تۇرعىندار نازارىنا، ەگەر دە، الىپساتارلىقتىڭ نەمەسە ءدارى-دارمەكتى شەكتى باعادان اسىرعان جايتتىڭ كۋاگەرى بولساڭىز دەرەۋ «109» بايلانىس نومىرىنە حابارلاسۋىن سۇرايمىز.
شىمكەنت قالاسى اكىمدىگىنىڭ ءباسپاسوز قىزمەتى
