Qala ákimi Murat Áıtenov qaladaǵy birqatar kóterme saýda qoımalary men medıınalyq buıym shyǵaratyn mekemelerdi aralady.
Tekserý kezinde «NPO ZERDE» JShS, «AQ NIET» JShS, «Apteka №5», «ATAMIRAS.S» JShS kóterme qoımalaryna barǵan ákim josparlanǵan dárilik zattardy jetkizý jáne jınaqtaý boıynsha rezervtik qorlarmen qamtamasyz etilýine kóz jetkizdi.
Ótken jyly koronavırýspen kúreske qoldanylatyn dárilerge bıýdjetten 180 mln teńge bólindi. Bıyl taǵy 659 mln teńge kóleminde turaqtandyrý qoryna qarjy bólinbek. Osy jumystar nátıjesinde dárihanalardaǵy dári baǵasy 15-30 paıyz tómendegen bolatyn.
Búgingi tańda Shymkentte dári-dármek qory jetkilikti. Dárihanalar men emhanalarda 4 mln 144 myń dana dárilik zattar bar. Onyń ishinde ystyq túsiretin, antıbıotıkter, glıýkanattar sekildi vırýsqa qarsy qoldanylatyn dári-dármek túri kezdesedi. Baǵalary 25 teńgeden bastalady.
Medıınalyq uıymdarda 900 mln teńgege dári-dármek qory, 46 941 JQQ jıyntyqtary, 2 mıllıon medıınalyq betperde, 1 014 600 medıınalyq qolǵap daıyndaldy.
Qoımalardy aralaǵan Murat Áıtenov keıinnen kúnine 20 myń betperde shyǵaratyn «Bizhon» JShS-y mekemesine bardy. Mundaǵy betperdeler úsh qabatty bir ret qoldanylady. 2020 jyly jalpy somasy 78 400 000 teńgeni quraıtyn 2 240 000 dana medıınalyq bir rettik betperde óndirgen.
Al, «Ekofarm» JShS mekemesinde kóp rettik jáne bir rettik medıınalyq kıimder tigiledi. Óndiris orny táýligine 2000 dana medıınalyq qorǵanys kıimin tigýge qaýqarly. Ótken jyly somasy 4 520 985 404 teńgege 648 876 dana medıınalyq buıymdardy shyǵardy. Onyń ishinde obaǵa qarsy kıimder, kóp ret qoldanylatyn dáke tańǵyshtar bar.
Aralaý sońynda qala ákimi «Aıkómek 109» ortalyǵynda qaladaǵy farm kompanııalardyń jáne tıisti sala basshylarynyń qatysýymen onlaın kóshpeli jınalys ótkizdi. Onda farmaevtıkalyq mekeme ókilderiniń máselelerin tyńdap, ortaq sheshimder qabyldandy.
- Ótken jylǵy qatelikti qaıta boldyrmaý úshin dárihanalar men qala turǵyndaryna barynsha túsindirme jumystaryn júrgizý kerek. Vırýsqa qarsy dári-dármekter tek dáriger nusqaýlyǵymen ǵana satylýy kerek. Pandemııa ýshyqqan sátte turǵyndar arasynda dárilerdi kóptep satyp alyp, úıinde saqtap, merzimi men saqtalý sharttaryn saqtamaǵan, ózin emdeımin dep kerisinshe áser alǵan jaılar da oryn aldy. Úı jaǵdaıynda ózin emdeý, alypsatarlyq sekildi máseleler týyndamaýy tıis. Koronavırýspen aýyrǵan naýqastar aýrýhanalarda tegin em qabyldaıdy. Zańsyzdyqtar oryn alar bolsa basshylar qatań jaýapkershilikke tartylady. Barlyǵy ózimniń jiti baqylaýymda bolady, - dedi qala basshysy.
Osy rette turǵyndar nazaryna, eger de, alypsatarlyqtyń nemese dári-dármekti shekti baǵadan asyrǵan jaıttyń kýágeri bolsańyz dereý «109» baılanys nómirine habarlasýyn suraımyz.
Shymkent qalasy ákimdiginiń baspasóz qyzmeti
