Qala äkımı Mūrat Äitenov qaladaǧy bırqatar köterme sauda qoimalary men medisinalyq būiym şyǧaratyn mekemelerdı aralady.
Tekseru kezınde «NPO ZERDE» JŞS, «AQ NİET» JŞS, «Apteka №5», «ATAMIRAS.S» JŞS köterme qoimalaryna barǧan äkım josparlanǧan därılık zattardy jetkızu jäne jinaqtau boiynşa rezervtık qorlarmen qamtamasyz etıluıne köz jetkızdı.
Ötken jyly koronaviruspen küreske qoldanylatyn därılerge biudjetten 180 mln teŋge bölındı. Biyl taǧy 659 mln teŋge kölemınde tūraqtandyru qoryna qarjy bölınbek. Osy jūmystar nätijesınde därıhanalardaǧy därı baǧasy 15-30 paiyz tömendegen bolatyn.
Bügıngı taŋda Şymkentte därı-därmek qory jetkılıktı. Därıhanalar men emhanalarda 4 mln 144 myŋ dana därılık zattar bar. Onyŋ ışınde ystyq tüsıretın, antibiotikter, gliukanattar sekıldı virusqa qarsy qoldanylatyn därı-därmek türı kezdesedı. Baǧalary 25 teŋgeden bastalady.
Medisinalyq ūiymdarda 900 mln teŋgege därı-därmek qory, 46 941 JQQ jiyntyqtary, 2 million medisinalyq betperde, 1 014 600 medisinalyq qolǧap daiyndaldy.
Qoimalardy aralaǧan Mūrat Äitenov keiınnen künıne 20 myŋ betperde şyǧaratyn «Bızhon» JŞS-y mekemesıne bardy. Mūndaǧy betperdeler üş qabatty bır ret qoldanylady. 2020 jyly jalpy somasy 78 400 000 teŋgenı qūraityn 2 240 000 dana medisinalyq bır rettık betperde öndırgen.
Al, «Ekofarm» JŞS mekemesınde köp rettık jäne bır rettık medisinalyq kiımder tıgıledı. Öndırıs orny täulıgıne 2000 dana medisinalyq qorǧanys kiımın tıguge qauqarly. Ötken jyly somasy 4 520 985 404 teŋgege 648 876 dana medisinalyq būiymdardy şyǧardy. Onyŋ ışınde obaǧa qarsy kiımder, köp ret qoldanylatyn däke taŋǧyştar bar.
Aralau soŋynda qala äkımı «Aikömek 109» ortalyǧynda qaladaǧy farm kompaniialardyŋ jäne tiıstı sala basşylarynyŋ qatysuymen onlain köşpelı jinalys ötkızdı. Onda farmasevtikalyq mekeme ökılderınıŋ mäselelerın tyŋdap, ortaq şeşımder qabyldandy.
- Ötken jylǧy qatelıktı qaita boldyrmau üşın därıhanalar men qala tūrǧyndaryna barynşa tüsındırme jūmystaryn jürgızu kerek. Virusqa qarsy därı-därmekter tek därıger nūsqaulyǧymen ǧana satyluy kerek. Pandemiia uşyqqan sätte tūrǧyndar arasynda därılerdı köptep satyp alyp, üiınde saqtap, merzımı men saqtalu şarttaryn saqtamaǧan, özın emdeimın dep kerısınşe äser alǧan jailar da oryn aldy. Üi jaǧdaiynda özın emdeu, alypsatarlyq sekıldı mäseleler tuyndamauy tiıs. Koronaviruspen auyrǧan nauqastar auruhanalarda tegın em qabyldaidy. Zaŋsyzdyqtar oryn alar bolsa basşylar qataŋ jauapkerşılıkke tartylady. Barlyǧy özımnıŋ jıtı baqylauymda bolady, - dedı qala basşysy.
Osy rette tūrǧyndar nazaryna, eger de, alypsatarlyqtyŋ nemese därı-därmektı şektı baǧadan asyrǧan jaittyŋ kuägerı bolsaŋyz dereu «109» bailanys nömırıne habarlasuyn sūraimyz.
Şymkent qalasy äkımdıgınıŋ baspasöz qyzmetı
