شىمكەنت قالاسىندا 7400 ادامعا كوۆيدكە قارسى ۆاكتسينا ەگىلدى. ونىڭ ىشىندە مەديتسينا قىزمەتكەرلەرى – 4607, مۇعالىمدەر – 2244, قۇقىق قورعاۋ ورگانىنىڭ قىزمەتكەرلەرى – 188, وزگە توپتاعىلار – 361.
بۇل جونىندە قالا اكىمى مۇرات ايتەنوۆ «وتىرار» تەلەارناسىنداعى تىكەلەي ەفيردە وتكەن «حالىق پەن بيلىك» باعدارلاماسىندا حاباردار ەتتى. ەفير بارىسىندا شىمكەنتتەگى ەپيداحۋال، كوروناۆيرۋستىڭ ىقتيمال تولقىنىنا دايىندىق، ءدارى-دارمەك قورى جايىندا ايتتى. سونىمەن بىرگە باعدارلاما كەزىندە حابارلاسقان، الەۋمەتتىك جەلىگە جولداعان تۇرعىنداردىڭ سۇراقتارىنا جاۋاپ بەردى.
شىمكەنتتە ەپيدەميولوگيالىق جاعدايدىڭ كۇردەلەنە تۇسكەنىن ايتقان قالا باسشىسى تۇرعىندار اراسىندا ماسكا رەجيمى مەن الەۋمەتتىك قاشىقتىقتى قاتاڭ ساقتاۋ بويىنشا ءتۇسىندىرۋ جۇمىستارىن كۇشەيتۋدى جانە قالا تۇرعىندارىن ادام كوپ شوعىرلانعان جەرگە بارۋدان باس تارتۋعا شاقىردى.
- قازىر ا ستسەناريى بويىنشا جۇمىس جۇرگىزىلىپ جاتىر. بۇل ستسەناري بويىنشا 1380 توسەك-ورىن دايىن. B جانە س ستسەناريلەرى بويىنشا 5 مىڭ توسەك-ورىن دايىندالادى. باستاپقى مەديتسينالىق-سانيتارلىق كومەك كورسەتەتىن 117 ءموبيلدى توپ جۇمىس جاساۋدا. ءدارى-دارمەك قورىنا كەلەر بولساق، وتكەن جىلى وسى كوروناۆيرۋسقا قولدانىلاتىن دارىلەرگە دەپ 180 ملن تەڭگە ءبولىندى. 15 مىڭ ادامعا جەتكىلىكتى ءدارى بار. بيىل تاعى 659 ملن تەڭگە كولەمىندەگى تۇراقتاندىرۋ قورىنا قارجى بولىنبەك. وسى جۇمىستار ناتيجەسىندە دارىحانالارداعى ءدارى باعاسى 15-30 پايىز تومەندەدى. 21 كت، 32 رەنتگەناپپارات، 615 ءوجج اپپاراتى بار. دەمەك، 615 رەانيماتسيالىق ورىنعا يۆل جەتكىلىكتى. وزدەرىڭىزگە بەلگىلى بىلتىر گاز تولتىرۋ ستانتسياسىن ىسكە قوستىق. ول ارقىلى شىمكەنتتى عانا ەمەس تۇركىستان وبلىسىنا دا كومەكتەسە الامىز،- دەدى شاھار باسشىسى.
كوۆيدپەن اۋىرعان ناۋقاستار اۋرۋحانادا تەگىن ەمدەلەتىنىن، قانداي دا زاڭسىزدىقتارعا تاپ بولسا بىرىڭعاي كولل-ورتالىققا حابار بەرۋ كەرەكتىگى جونىندە ەسكەرتتى.
دارىگەرلەر تاپشىلىعى جوق پا دەگەن جۋرناليستەر ساۋالىنا مۇرات ايتەنوۆ قالاداعى مەديتسينالىق كوللەدجدەردىڭ ستۋدەنتتەرىن دە رەزەرۆكە دايىنداعانىن جەتكىزدى.
بۇدان وزگە، تۇرعىندار تاراپىنان قوعامدىق كولىك، جول، ينفراقۇرىلىم، كوشە اتاۋلارى سەكىلدى ماسەلەلەر قوزعالدى.
اتاپ ايتقاندا، بيىل 253 شاقىرىم جولدىڭ ماسەلەسى شەشىلەدى. نەگىزگى باسىمدىق شالعاي اۋداندار مەن وراماىشىلىك جولدار بولادى. تاسىمالدى سۋمەن قامتاماسىز ەتىلىپ جۇرگەن 7 شاعىن اۋدانعا ساپالى اۋىز سۋ بەرىلەدى.
قوعامدىق كولىكتەرگە كەلەر بولساق، وتكەن جىلى قالاعا 590 اۆتوبۋس اكەلىندى. الايدا گاز بەكەتتەرىنىڭ تولىمدىعىعا وراي تەك 150 اۆتوبۋس باعىتتارعا ءبولىندى. بيىل مامىر ايىندا ەكىنشى گاز بەكىتى ىسكە قوسىلسا 200 اۆتوبۋس باعىتتاردا جۇرەتىن بولادى. قالعانى تولىعىمەن 4 اي ىشىندە جۇمىسقا كىرىسەدى.
سونداي-اق، قالا اكىمى بيىل اتاۋى جوق كوشەلەر ماسەلەسى دە 100 پايىز شەشىمىن تاباتىنىن ايتتى. «كوميسسيامەن كوشە اتاۋلارى بەكىتىلدى، تەك تاقتايشالاردى دايىنداپ ورناتۋ جۇمىستارى قالدى» دەدى.
باعدارلامانى قورىتىندىلاي كەلە، اكىم مۇرات ايتەنوۆ ەلدەگى ەپيدەميولوگيالىق جاعدايعا بايلانىستى بارىنشا ۇيدە بولۋعا، ءوزىمىز بەن تۋىستارىمىزدى ۆيرۋستان قورعاۋعا شاقىردى. وتكەن جىلداعى قاتەلىكتى قايتا قايتالاماي، بارىنشا ساقتانۋدى جانە ۆيرۋستىڭ تارالۋىن بولدىرماۋ ماقساتىندا ۆاكتسينا سالدىرۋدى ۇسىندى.
شىمكەنت قالاسى اكىمدىگىنىڭ ءباسپاسوز قىزمەتى
