سىرىم ەرتاەۆ: مەملەكەتتىڭ بولاشاعى بالالاردىڭ دەنساۋلىعى مەن قاۋىپسىزدىگىندە!

بۇگىنگى مەنىڭ قوزعاعىم كەلىپ وتىرعان تاقىرىبتىڭ ماڭىزىنا سىزدەردىڭ كوڭىلدەرىڭىزدى اۋدارعىم كەلىپ وتىر! بالالاردىڭ كوپ قاباتتى ءۇيدىڭ تەرەزەسىنەن قۇلاۋدىڭ الدىن الۋ ماسەلەسى! قازاقستان رەسپۋبليكاسىنىڭ ۇلتتىق ستاتيستيكا بيۋروسىنىڭ مالىمەتتەرى بويىنشا، سوڭعى 5 جىلدا بالالاردىڭ كوپ قاباتتى ءۇيدىڭ تەرەزەسىنەن قۇلاۋ سالدارىنان 140-تان استام بالا قايتىس بولعان! تەك وسى جىلدىڭ 1-ءشى توقسانىندا عانا 9 جاعداي تىركەلگەن، ونىڭ بىرەۋى ولىممەن اياقتالعان! بۇل ماسەلەنى ءبىز “اجال” دەپ كوز جۇمىپ وتىرا المايمىز، ويتكەنى ءبىز بالالارعا قاۋىپسىزدىك قامتاماسىز ەتۋىمىز قاجەت! بالالار - ءبىزدىڭ بولاشاعىمىز! ءبىزدىڭ مەملەكەتتىڭ بولاشاعى سول بالالاردىڭ دەنساۋلىعى مەن قاۋىپسىزدىگىندە! سوندىقتان دا، بالالاردىڭ قاۋىپسىزدىگىن قامتاماسىز ەتۋ ءۇشىن، سىزدەن كەلەسى شارالاردى قابىلاۋىڭىزدى سۇرايمىن: - قۇرىلىس تالاپتارىن ساقتاۋ بويىنشا باقىلاۋدى كۇشەيتۋ; - جاڭا عيماراتتار قۇرىلىس كەزىندە عانا ەمەس، سونىمەن قاتار تەرەزە ءوندىرىس كەزىندە، ەسكى تەرەزەلەردى اۋىستىرۋ بويىنشا ءتيىستى تالاپتارىن ەڭگىزۋ; - تەرەزە بلوكتارىن ورناتۋدى باقىلاۋ ءۇشىن اۆتورلىق قاداعالاۋ جۇرگىزۋ; - قۇلىپتاردى ورناتۋعا قويىلاتىن تالاپتاردى ساقتاماعانى ءۇشىن، ءتىپتى ليتسەنزيادان ايىرۋعا دەيىن زاڭدى جاۋاپكەرشىلىكتى كۇشەيتۋ - الەۋمەتتىك جەلىدە جانە عالامتور جەلىسىندە اقپاراتتىق مالىمەتتى كۇشەيتۋ! وسى جوعارىدا ايتىلعان تالاپتاردى تەز ارادا ىسكە اسىرۋىن سۇرايمىن! https://youtu.be/3GnQi241Yi0

سىرىم ەرتاەۆ، قر پارلامەنت ءماجىلىسىنىڭ دەپۋتاتى