قازاقستاندىق مەرگەندەر الەم كۋبوگىندا 6 مەدالدى قورجىندادى

1923
Adyrna.kz Telegram

18-29 ناۋرىز ارالىعىندا ءۇندىستاننىڭ نيۋ-دەلي قالاسىندا ستەند جانە وق اتۋدان رەيتنيگكتىك الەم كۋبوگى ءوتتى. تارتىستى جارىسقا الەمنىڭ 53 ەلىنەن 300-گە جۋىق مەرگەن سپورتشىلار قاتىستى.

باسەكەدە قازاقستاندىق مەرگەندەر 6 مەدالدى – 1 التىن، 3 كۇمىس، 2 قولانى قانجىعاعا بايلادى. ولاردىڭ قاتارىندا ۇزدىك ونەر كورسەتكەن شىمكەنت قالاسىنىڭ سپورتشى ۇل-قىزدارى دا بار.

«SKEET» جاتتىعۋىندا ايەلدەر اراسىندا شىمكەنتتىك مەرگەن كراۆچەنكو زويا كۇمىس مەدال جەڭىپ الدى. سونىمەن بىرگە، كوماندالىق ەسەپتە جەرلەستەرىمىز كراۆچەنكو زويا (شىمكەنت ق.), ناسىروۆا ريناتا (شىمكەنت ق.) مەن پانارينا ولگا (شىمكەنت ق.) التىن مەدالدى قانجىعالادى.

ال، «SKEET» جاتتىعۋىندا ەرلەر اراسىندا قازاقستاندىق سپورتشى جىگىتتەر كوماندالىق ەسەپتە پوچيۆالوۆ داۆيد (شىمكەنت ق.), ەششەنكو ەدۋارد (الماتى ق.) پەن مۋحامەديەۆ الەكساندر (شىمكەنت ق.) 501 ۇپايمەن فينالعا ەنىپ، قولا مەدالعا قول جەتكىزدى.

ءدال وسى جاتتاعۋدان ەلىمىزدىڭ 1-ءشى ارالاس قۇراما كومانداسى كوماندالىق ەسەپتە پانارينا ولگا (شىمكەنت ق.) مەن ەششەنكو الەكساندر (الماتى ق.) كۇمىس مەدالگە يە بولدى.

«TRAP» جاتتىعۋىندا ايەلدەر اراسىندا كوماندالىق ەسەپتە دميتريەنكو ماريا (شىمكەنت ق.), سارسەنكۋل رىسبەكوۆا (شىمكەنت ق.) جانە ايجان دوسماگامبەتوۆا (كىزىلوردا وبلىسى) 308 ۇپايمەن فينالعا شىعىپ، دودادا كۇمىس مەدال يەلەندى.

ەرلەر اراسىندا كوماندالىق ەسەپتە موگيلەۆسكي اندرەي (نۇر-سۇلتان ق.), كولوموەتس ماكسيم (كىزىلوردا وبلىسى) جانە حاسيانوۆ ۆيكتور (شىمكەنت ق.) 489 ۇپايمەن فينالعا ەنىپ، قولا مەدالگە قول جەتكىزدى.

الەم كۋبوگىنىڭ سوڭىندا مەدالدىق ناتيجەلەر بويىنشا قازاقستان قۇراماسى 6-ورىنعا تۇراقتادى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر