18-29 naýryz aralyǵynda Úndistannyń Nıý-Delı qalasynda stend jáne oq atýdan reıtnıgktik Álem Kýbogy ótti. Tartysty jarysqa álemniń 53 elinen 300-ge jýyq mergen sportshylar qatysty.
Básekede qazaqstandyq mergender 6 medaldi – 1 altyn, 3 kúmis, 2 qolany qanjyǵaǵa baılady. Olardyń qatarynda úzdik óner kórsetken Shymkent qalasynyń sportshy ul-qyzdary da bar.
«SKEET» jattyǵýynda áıelder arasynda shymkenttik mergen Kravchenko Zoıa kúmis medal jeńip aldy. Sonymen birge, komandalyq esepte jerlesterimiz Kravchenko Zoıa (Shymkent q.), Nasyrova Rınata (Shymkent q.) men Panarına Olga (Shymkent q.) altyn medaldi qanjyǵalady.
Al, «SKEET» jattyǵýynda erler arasynda qazaqstandyq sportshy jigitter komandalyq esepte Pochıvalov Davıd (Shymkent q.), Eenko Edýard (Almaty q.) pen Mýhamedıev Aleksandr (Shymkent q.) 501 upaımen fınalǵa enip, qola medalǵa qol jetkizdi.
Dál osy jattaǵýdan elimizdiń 1-shi aralas qurama komandasy komandalyq esepte Panarına Olga (Shymkent q.) men Eenko Aleksandr (Almaty q.) kúmis medalge ıe boldy.
«TRAP» jattyǵýynda áıelder arasynda komandalyq esepte Dmıtrıenko Marııa (Shymkent q.), Sarsenkýl Rysbekova (Shymkent q.) jáne Aıjan Dosmagambetova (Kyzylorda oblysy) 308 upaımen fınalǵa shyǵyp, dodada kúmis medal ıelendi.
Erler arasynda komandalyq esepte Mogılevskıı Andreı (Nur-Sultan q.), Kolomoe Maksım (Kyzylorda oblysy) jáne Hasıanov Vıktor (Shymkent q.) 489 upaımen fınalǵa enip, qola medalge qol jetkizdi.
Álem Kýbogynyń sońynda medaldyq nátıjeler boıynsha Qazaqstan quramasy 6-orynǵa turaqtady.
Shymkent qalasy ákimdiginiń baspasóz qyzmeti
