18-29 nauryz aralyǧynda Ündıstannyŋ Niu-Deli qalasynda stend jäne oq atudan reitnigktık Älem Kubogy öttı. Tartysty jarysqa älemnıŋ 53 elınen 300-ge juyq mergen sportşylar qatysty.
Bäsekede qazaqstandyq mergender 6 medaldı – 1 altyn, 3 kümıs, 2 qolany qanjyǧaǧa bailady. Olardyŋ qatarynda üzdık öner körsetken Şymkent qalasynyŋ sportşy ūl-qyzdary da bar.
«SKEET» jattyǧuynda äielder arasynda şymkenttık mergen Kravchenko Zoia kümıs medal jeŋıp aldy. Sonymen bırge, komandalyq esepte jerlesterımız Kravchenko Zoia (Şymkent q.), Nasyrova Rinata (Şymkent q.) men Panarina Olga (Şymkent q.) altyn medaldı qanjyǧalady.
Al, «SKEET» jattyǧuynda erler arasynda qazaqstandyq sportşy jıgıtter komandalyq esepte Pochivalov David (Şymkent q.), Eşenko Eduard (Almaty q.) pen Muhamediev Aleksandr (Şymkent q.) 501 ūpaimen finalǧa enıp, qola medalǧa qol jetkızdı.
Däl osy jattaǧudan elımızdıŋ 1-şı aralas qūrama komandasy komandalyq esepte Panarina Olga (Şymkent q.) men Eşenko Aleksandr (Almaty q.) kümıs medalge ie boldy.
«TRAP» jattyǧuynda äielder arasynda komandalyq esepte Dmitrienko Mariia (Şymkent q.), Sarsenkul Rysbekova (Şymkent q.) jäne Aijan Dosmagambetova (Kyzylorda oblysy) 308 ūpaimen finalǧa şyǧyp, dodada kümıs medal ielendı.
Erler arasynda komandalyq esepte Mogilevskii Andrei (Nūr-Sūltan q.), Kolomoes Maksim (Kyzylorda oblysy) jäne Hasianov Viktor (Şymkent q.) 489 ūpaimen finalǧa enıp, qola medalge qol jetkızdı.
Älem Kubogynyŋ soŋynda medaldyq nätijeler boiynşa Qazaqstan qūramasy 6-orynǧa tūraqtady.
Şymkent qalasy äkımdıgınıŋ baspasöz qyzmetı
