شىمكەنت قالاسىنىڭ اكىمى مۇرات ايتەنوۆ №137 مەكتەپتى ارالاۋ بارىسىندا 2020-2021 وقۋ جىلىنىڭ IV توقسانىندا وقۋ پروتسەسىن ۇيىمداستىرۋ ماسەلەلەرىمەن تانىستى.
قالالىق ءبىلىم باسقارماسىنىڭ باسشىسى جانات تاجيەۆا جالپى ءبىلىم بەرەتىن مەكتەپتەردە بارلىق سىنىپتاردىڭ وقۋشىلارى ءۇشىن سىنىپتارداعى بالالار سانىن 25 ادامنان اسىرماي ارالاس فورماتتا وقىتىلاتىنىن جەتكىزدى.
كونتينگەنتى 300 وقۋشىعا دەيىنگى مەكتەپتەردە سىنىپتارداعى بالالار سانىن 25 ادامنان اسپاي ءداستۇرلى فورماتتا وقيدى. ءبىلىم بەرۋ ۇيىمى اكىمشىلىگىنىڭ شەشىمى بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا بولادى.
ءبىلىم بەرۋ نىساندارى «InfoKazakhstan.kz» پورتالىنا تىركەلىپ، قازاقستان رەسپۋبليكاسى دەنساۋلىق ساقتاۋ ءمينيسترىنىڭ بۇيرىعىنىڭ تالاپتارىن ساقتاعان كەزدە ءبىلىم بەرۋ وبەكتىلەرىندەگى قوعامدىق تاماقتاندىرۋ قىزمەتىنە رۇقسات بەرىلەدى. تاعى ءبىر ايتا كەتەرلىگى، وقۋشىلارعا مەكتەپكە مىندەتتى مەكتەپ فورماسىندا ەمەس، ەركىن، ۇقىپتى جانە جيناقى كيىمدە بولۋعا رۇقسات ەتىلەدى. اتا-انالارعا مەكتەپ فورماسىن ساتىپ الۋدىڭ قاجەتى جوق، - دەدى سالا باسشىسى.
ال، ارنايى ءبىلىم بەرۋدى قاجەت ەتەتىن بالالارعا ارنالعان (ونىڭ ىشىندە اتا-اناسىنىڭ قامقورلىعىنسىز قالعان بالالارعا ارنالعان) ارنايى، مامانداندىرىلعان ۇيىمداردىڭ، ارنايى مەكتەپ-ينتەرناتتاردىڭ، جالپى تيپتەگى مەكتەپ-ينتەرناتتاردىڭ، دارىندى بالالارعا ارنالعان مەكتەپ-ينتەرناتتاردىڭ قىزمەتى قالىپتى جاعدايدا ۇيىمداستىرىلادى. كوللەدجدەردىڭ 1 كۋرس ستۋدەنتتەرى بولسا ەكىنشى سەمەستردە شتاتتىق رەجيمدە وقيتىن بولدى.
مۇرات ايتەنوۆ ءبىلىم بەرۋ پروتسەسىنىڭ بارلىق قاتىسۋشىلارى سانيتاريالىق-ەپيدەميولوگيالىق تالاپتاردى ساقتاۋى، مەكتەپ باسشىلارى بالالاردىڭ قاۋىپسىزدىگىن جانە دەنساۋلىعىن ساقتاۋ ءۇشىن بارلىق جاعدايلاردى قامتاماسىز ەتۋى قاجەت ەكەندىگىن ايتتى. سونىمەن بىرگە، اتا-انالار تاراپىنان بالالاردىڭ جەكە گيگيەنانى ساقتاۋى جانە الەۋمەتتىك قاشىقتىقتى ساقتاۋ قاجەتتىگىن ۇنەمى ءتۇسىندىرىپ وتىرۋدى تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى
