Şymkent qalasynyŋ äkımı Mūrat Äitenov №137 mekteptı aralau barysynda 2020-2021 oqu jylynyŋ IV toqsanynda oqu prosesın ūiymdastyru mäselelerımen tanysty.
Qalalyq bılım basqarmasynyŋ basşysy Janat Täjieva jalpy bılım beretın mektepterde barlyq synyptardyŋ oquşylary üşın synyptardaǧy balalar sanyn 25 adamnan asyrmai aralas formatta oqytylatynyn jetkızdı.
Kontingentı 300 oquşyǧa deiıngı mektepterde synyptardaǧy balalar sanyn 25 adamnan aspai dästürlı formatta oqidy. Bılım beru ūiymy äkımşılıgınıŋ şeşımı boiynşa sabaqtan tys uaqytta 15 adamnan aspaityn toptarda oquşylardy jeke oqytuǧa bolady.
Bılım beru nysandary «InfoKazakhstan.kz» portalyna tırkelıp, Qazaqstan Respublikasy Densaulyq saqtau ministrınıŋ būiryǧynyŋ talaptaryn saqtaǧan kezde bılım beru obektılerındegı qoǧamdyq tamaqtandyru qyzmetıne rūqsat berıledı. Taǧy bır aita keterlıgı, oquşylarǧa mektepke mındettı mektep formasynda emes, erkın, ūqypty jäne jinaqy kiımde boluǧa rūqsat etıledı. Ata-analarǧa mektep formasyn satyp aludyŋ qajetı joq, - dedı sala basşysy.
Al, arnaiy bılım berudı qajet etetın balalarǧa arnalǧan (onyŋ ışınde ata-anasynyŋ qamqorlyǧynsyz qalǧan balalarǧa arnalǧan) arnaiy, mamandandyrylǧan ūiymdardyŋ, arnaiy mektep-internattardyŋ, jalpy tiptegı mektep-internattardyŋ, daryndy balalarǧa arnalǧan mektep-internattardyŋ qyzmetı qalypty jaǧdaida ūiymdastyrylady. Kolledjderdıŋ 1 kurs studentterı bolsa ekınşı semestrde ştattyq rejimde oqityn boldy.
Mūrat Äitenov bılım beru prosesınıŋ barlyq qatysuşylary sanitariialyq-epidemiologiialyq talaptardy saqtauy, mektep basşylary balalardyŋ qauıpsızdıgın jäne densaulyǧyn saqtau üşın barlyq jaǧdailardy qamtamasyz etuı qajet ekendıgın aitty. Sonymen bırge, ata-analar tarapynan balalardyŋ jeke gigienany saqtauy jäne äleumettık qaşyqtyqty saqtau qajettıgın ünemı tüsındırıp otyrudy tapsyrdy.
Şymkent qalasy äkımdıgınıŋ baspasöz qyzmetı
