شىمكەنت قالاسىندا 31 ناۋرىز كۇنى كۆي-ءدىڭ 51 جاعدايى تىركەلدى (بەلگىلەرى بار - 35, بەلگىلەرى جوق - 16). 35 ادام ينفەكتسيالىق ستاتسيونارعا جاتقىزىلىپ، 16 ادام ءۇي باقىلاۋىنا الىندى.
قازىرگى تاڭعا مامانداندىرىلعان ينفەكتسيالىق ستاتسيونارلاردا بارلىعى 1380 ورىن بار (قالالىق ينفەكتسيالىق ورتالىق-560, اتامەكەن كلينيكاسى-500, جشس «14 ەمدەۋ ورتالىعى»-320 ورىن), توسەك-ورىن تولىمدىعى 15%-دى قۇرايدى، 949 توسەك-ورىن بوس.
وسىعان دەيىن 310 931 (پتر) زەرتحانالىق زەرتتەۋ جۇرگىزىلگەن بولسا، وتكەن تاۋلىكتە 2406 ادامنان تەست سىناماسى الىندى.
سونداي-اق، مەگاپوليستەگى كارانتينگە قاراماستان، باس سانيتار دارىگەردىڭ قاۋلىسىن ەلەمەيتىندەر كوپ. اسىرەسە، جيىن وتكىزۋشىلەر كوپتەپ كەزدەسۋدە. ماسەلەن، قالا اۋماعىندا سانيتارلىق-ەپيدەميولوگيالىق تالاپتاردىڭ ساقتالۋىنا مونيتورينگ جۇرگىزەتىن 22 موبيلدىك توپ 31 ناۋرىزدا 313 نىسانعا تەكسەرۋ جۇمىستارىن جۇرگىزدى. ونىڭ ىشىندە 15 نىساندا كارانتين رەجيمىنىڭ تالاپتارى بۇزىلعاندىعىن انىقتاپ، اكىمشىلىك حاتتامالار تولتىرعان.
وسى ورايدا، مەديتسينا ماماندارى قالا تۇرعىندارى مەن قوناقتارىنا كارانتين تالاپتارىن قاتاڭ ساقتاۋعا، ءوزىڭىزدى جانە تۋىسىڭىزدى ينفەكتسيالىق ۆيرۋستان قورعايتىن قاراپايىم ەرەجەلەردى ۇستانۋعا شاقىرادى.
ايتا وتسەك، شىمكەنتتە دارىگەرلەر دەمالىس كۇندەرى دە ينفەكتسياعا قارسى ۆاكتسيناتسيالاۋ جۇمىستارىن جۇرگىزۋ ۇستىندە.
شىمكەنت قالاسى اكىمدىگىنىڭ ءباسپاسوز قىزمەتى
