Şymkent qalasynda 31 nauryz künı KVİ-dıŋ 51 jaǧdaiy tırkeldı (belgılerı bar - 35, belgılerı joq - 16). 35 adam infeksiialyq stasionarǧa jatqyzylyp, 16 adam üi baqylauyna alyndy.
Qazırgı taŋǧa mamandandyrylǧan infeksiialyq stasionarlarda barlyǧy 1380 oryn bar (qalalyq infeksiialyq ortalyq-560, Atameken klinikasy-500, JŞS «14 emdeu ortalyǧy»-320 oryn), tösek-oryn tolymdyǧy 15%-dy qūraidy, 949 tösek-oryn bos.
Osyǧan deiın 310 931 (PTR) zerthanalyq zertteu jürgızılgen bolsa, ötken täulıkte 2406 adamnan test synamasy alyndy.
Sondai-aq, megapolistegı karantinge qaramastan, bas sanitar därıgerdıŋ qaulysyn elemeitınder köp. Äsırese, jiyn ötkızuşıler köptep kezdesude. Mäselen, qala aumaǧynda sanitarlyq-epidemiologiialyq talaptardyŋ saqtaluyna monitoring jürgızetın 22 mobildık top 31 nauryzda 313 nysanǧa tekseru jūmystaryn jürgızdı. Onyŋ ışınde 15 nysanda karantin rejimınıŋ talaptary būzylǧandyǧyn anyqtap, äkımşılık hattamalar toltyrǧan.
Osy oraida, medisina mamandary qala tūrǧyndary men qonaqtaryna karantin talaptaryn qataŋ saqtauǧa, özıŋızdı jäne tuysyŋyzdy infeksiialyq virustan qorǧaityn qarapaiym erejelerdı ūstanuǧa şaqyrady.
Aita ötsek, Şymkentte därıgerler demalys künderı de infeksiiaǧa qarsy vaksinasiialau jūmystaryn jürgızu üstınde.
Şymkent qalasy äkımdıgınıŋ baspasöz qyzmetı
