بۇگىندە ەلىمىزدە ونەر سالاسىندا دا ومىردە دە قول ۇستاسىپ قاتار كەلە جاتقان ءبىر وتباسىندا تۇراتىن ونەرلى جۇپتار كوپتەپ كەزدەسەدى. تەاتر تابىستىرعان ونەرلى جۇپتاردىڭ ءبىرى - رۋسلان نۇرمانوۆ پەن ءجاۋدىر سارىپبەكوۆا. ولار قازىرگى تاڭدا ج.شانين اتىنداعى شىمكەنت قالالىق اكادەميالىق قازاق دراما تەاترىندا ەڭبەك ەتەدى.
رۋسلان نۇرمان 1983 جىلى وقو ماقتارال اۋدانى، جەتىساي قالاسىندا دۇنيەگە كەلسە، جارى ءجاۋدىر بالتابايقىزى 1987 جىلى وقو، ارىس قالاسىندا تۋلىلعان. قوس اكتەر دە ونەر سالاسى بويىنشا جوعارعى ءبىلىم العان. رۋسلان 2007 جىلدان، ال ءجاۋدىر 2009 جىلدان باستاپ بۇگىنگى كۇنگە دەيىن ج.شانين اتىنداعى شىمكەنت قالالىق اكادەميالىق قازاق دراما تەاترىندا ارتيست قىزمەتىن ابىرويمەن اتقارىپ ءجۇر.
تەاتر تابالدىرىعىن اتتاعالى ونەرلى جۇپ 30-دان استام رولدەردى سومداپ، بۇگىندە كوزى كاراقتى كورەرمەننىڭ سۇيىكتى تۇلعالارىنا اينالىپ ۇلگەرگەن. وتباسىلىق ومىردە ءۇش پەرزەنتتەرىن ايالاپ ءوسىرىپ كەلەدى.
قاجىرلى ەڭبەگىنىڭ ارقاسىندا تەاتردىڭ جوعارعى دارەجەلى اكتەر ساناتىنا وتكەن رۋسلان نۇرمان تەك تەاتر سالاسىندا عانا ەمەس سونىمەن قاتار وتاندىق بىرنەشە كينولاردا دا وزىندىك وبراز قالىپتاستىرعان تانىمال اكتەر. جۇبايى سارىپبەكوۆا ءجاۋدىر ەكەۋى كوپتەگەن تولىق مەتراجدى، قىسقا مەتراجدى، تەلەسەريالدار، الەۋمەتتىك تاربيەلىك بەينە تۇسىرىلىمدەر ارقىلى كوپشىلىك كورەرمەننىڭ كوڭىلىنەن شىعىپ، تەاتردىڭ ماقتانىشىنا اينالىپ ۇلگەرگەن.
قۇرمەتتى تەاتر سۇيەر كوپشىلىك! اڭگىمەگە ارقاۋ بولعان وتباسىلىق جۇپ، تالانتتى تەاتر ارتىستەرى رۋسلان مەن ءجاۋدىردىڭ ساحنالىق وبرازدارىن تاماشالاعىڭىز كەلسە كيەلى قازاق تەاترىنىڭ قويىلىمدارىن نازاردا ۇستاڭىزدار. ناعىز ونەردى ساحنادان كورىڭىز!
شىمكەنت قالاسى اكىمدىگىنىڭ ءباسپاسوز قىزمەتى
