شىمكەنت قالاسىنداعى قوعامدىق كولىكتەرگە سارالانعان ءتاريفتىڭ ەنۋىنە وراي 1 ساۋىردەن باستاپ وقۋشىلار مەن ستۋدەنتتەردىڭ ءوز تاريفتەرىنە بايلانىستى «TOLEM» كارتالارى بولماعان جاعدايدا 35/50 تەڭگە ورنىنا 100 تەڭگە تولەۋى كەرەك بولاتىن.
الايدا، قازىرگى تاڭدا «TOLEM» كارتاسىن العان جانە الۋعا ءوتىنىش بىلدىرگەن تۇرعىندار سانىنىڭ وسۋىنە بايلانىستى، كارانتيندىك تالاپتاردىڭ بۇزىلماۋىن قامتاماسىز ەتۋ ماقساتىندا قولما–قول تولەمنىڭ وزگەرىسىن 15 ساۋىرگە دەيىن سوزۋ تۋرالى شەشىم قابىلداندى.
دەمەك، وقۋشىلاردا جانە ستۋدەنتتەردە «TOLEM» كارتاسى بولماعان جاعدايدا 15 ساۋىردەن باستاپ قولما-قول 100 تەڭگە تولەۋگە تۋرا كەلەدى.
سوندىقتان 15 ساۋىرگە دەيىن تولەم كارتالارىن تولىق الۋعا اسىعىڭىزدار.
ول ءۇشىن كەلەسى جولدار قاراستىرىلعان:
- تەلەگرام بوت (@TolemCardRegisterBot) جۇيەسىندە ارىز قالدىرۋ;
- ءال-فارابي الاڭى #9 مەكەنجايىندا ورنالاسقان تولەم-ءنىڭ فرونت وفيسىنە بارىپ ارىز قالدىرۋ.
قۇرمەتتى قالا تۇرعىندارى!
ەگەر قوعامدىق كولىكتە ۆاليداتور ىستەمەي تۇرعانىن نەمەسە كوندۋكتوردىڭ تولەم كارتاسى بولا تۇرا قولما-قول اقشا تولەۋىن وتىنگەن جاعدايعا تاپ بولساڭىز تەگىن 109 نومىرىنە حابار بەرىڭىزدەر.
شىمكەنت قالاسى اكىمدىگىنىڭ ءباسپاسوز قىزمەتى
