Shymkent qalasyndaǵy qoǵamdyq kólikterge saralanǵan tarıftiń enýine oraı 1 sáýirden bastap oqýshylar men stýdentterdiń óz tarıfterine baılanysty «TOLEM» kartalary bolmaǵan jaǵdaıda 35/50 teńge ornyna 100 teńge tóleýi kerek bolatyn.
Alaıda, qazirgi tańda «TOLEM» kartasyn alǵan jáne alýǵa ótinish bildirgen turǵyndar sanynyń ósýine baılanysty, karantındik talaptardyń buzylmaýyn qamtamasyz etý maqsatynda qolma–qol tólemniń ózgerisin 15 SÁÝIRGE deıin SOZÝ týraly sheshim qabyldandy.
Demek, oqýshylarda jáne stýdentterde «TOLEM» kartasy bolmaǵan jaǵdaıda 15 SÁÝIRDEN bastap qolma-qol 100 teńge tóleýge týra keledi.
Sondyqtan 15 sáýirge deıin TÓLEM kartalaryn tolyq alýǵa asyǵyńyzdar.
Ol úshin kelesi joldar qarastyrylǵan:
- Telegram Bot (@TolemCardRegisterBot) júıesinde aryz qaldyrý;
- Ál-Farabı alańy #9 mekenjaıynda ornalasqan TOLEM-niń front ofısine baryp aryz qaldyrý.
Qurmetti qala turǵyndary!
Eger qoǵamdyq kólikte valıdator istemeı turǵanyn nemese kondýktordyń TÓLEM kartasy bola tura qolma-qol aqsha tóleýin ótingen jaǵdaıǵa tap bolsańyz tegin 109 nómirine habar berińizder.
Shymkent qalasy ákimdiginiń baspasóz qyzmeti
