الماتى وبلىسىنىڭ اكىمدىگىندە ءماسليحاتتىڭ كەزەكتەن تىس IV سەسسياسى ءوتتى. وعان وبلىستىق ءماسليحات حاتشىسى جانبولات جورگەنباەۆ، دەپۋتاتتار مەن باسقارما باسشىلارى قاتىستى. سەسسيا جۇمىسىن وبلىستىق ءماسليحات دەپۋتاتى گۇلنار تويلىباەۆا جۇرگىزدى.
كۇن تارتىبىندە بىرقاتار ماسەلە قارالدى. سونىڭ نەگىزگىسى – ءماسليحاتتىڭ 2020 جىلعى 15 جەلتوقسانداعى "الماتى وبلىسىنىڭ 2021- 2023 جىلدارعا ارنالعان وبلىستىق بيۋدجەتى تۋرالى" №64-339 شەشىمىنە وزگەرىستەر مەن تولىقتىرۋلار ەنگىزۋ. بۇل تۋراسىندا وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى جومارت ءامىرحانوۆ بايانداما جاسادى.
– رەسپۋبليكالىق بيۋدجەتتەن اعىمداعى نىسانالى ترانسفەرتتەر ەسەبىنەن 5,4 ملرد. تەڭگە ءبولىندى. ونىڭ ىشىندە حالىقتى يممۋنداۋ ءۇشىن كوروناۆيرۋس ينفەكتسياسىنا قارسى ۆاكتسينالاردى جانە وزدىگىنەن بلوكتالاتىن شپريتستەردى ساتىپ الۋعا (قرۇ رەزەرۆىنەن) 5,2 ملرد. تەڭگە، ىشكى ىستەر ورگاندارى قىزمەتكەرلەرىنىڭ لاۋازىمدىق جالاقىلارىن ارتتىرۋعا 176,7 ملن. تەڭگە قاراستىرىلدى. سونىمەن قاتار، 32,6 ملرد. تەڭگەگە مەملەكەتتىك ەميسسيالىق باعالى قاعازداردى شىعارۋ جوسپارلانۋدا. بۇل رەتتە 2020-2021 جىلدارعا ارنالعان جۇمىسپەن قامتۋ جول كارتاسى شەڭبەرىندە شارالاردى قارجىلاندىرۋ ءۇشىن 25,1 ملرد.تەڭگە، كرەديتتىك ۇيلەر قۇرىلىسىنا 7,5 ملرد.تەڭگە باعىتتالماق، - دەدى باسقارما باسشىسى.
بيۋدجەت قاراجاتىنىڭ وتكەن جىلعى قورىتىندىسى بويىنشا قالىپتاسقان بوس قالدىقتارى ەسەبىنەن 9 ملرد. تەڭگە، ونىڭ ىشىندە جۇمىسپەن قامتۋدىڭ 2020-2021 جىلدارعا ارنالعان جول كارتاسى شەڭبەرىندەگى جوبالاردى اياقتاۋعا 5,2 ملرد. تەڭگە باعىتتاۋ ۇسىنىلادى.
بيۋدجەت زاڭناماسىنىڭ نورمالارىنا سايكەس پايدالانىلماعان (تولىق پايدالانىلماعان) نىسانالى ترانسفەرتتەر اعىمداعى قارجى جىلى جوعارى تۇرعان بيۋدجەتكە قايتارۋعا جاتادى. 2020 جىلدىڭ قورىتىندىسى بويىنشا رەسپۋبليكالىق بيۋدجەتكە قايتارۋعا جاتاتىن ترانسفەرتتەردىڭ قالدىعى 804,6 ملن. تەڭگەنى قۇرايدى. رەسپۋبليكالىق بيۋدجەتتەن بەرىلگەن پايدالانىلماعان بيۋدجەتتىك كرەديتتەردى قايتارۋ 167 مىڭ تەڭگە.
ۇستىمىزدەگى جىلدىڭ ءى توقسانىندا كىرىستەر كولەمى 129,8% (ناقتى ءتۇسىم – 77,7 ملرد. تەڭگە، جوسپار 59,9 ملرد. تەڭگە) ورىندالعانىن ەسكەرە وتىرىپ جانە شۇعىل شەشىمىن تالاپ ەتەتىن شىعىنداردى قارجىلاندىرۋ ماقساتىندا سالىقتىق تۇسىمدەر بولجامىن 7 ملرد.تەڭگەگە ارتتىرۋعا ۇسىنىس ەنگىزىلىپ وتىر.
باسقارما باسشىسىنىڭ ايتۋىنشا، "Nur Otan" پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسى اياسىندا جول كارتاسى ازىرلەنىپ، بەكىتىلگەن. وسى شارالاردى ىسكە اسىرۋعا 1,5 ملرد. تەڭگە باعىتتاۋ ۇسىنىلادى. سونىمەن قاتار، جەرگىلىكتى بيۋدجەت قاراجاتىن بيۋدجەتتىك باعدارلامالار اكىمشىلەرى اراسىندا قايتا ءبولۋ ەسەبىنەن (اعىمداعى شىعىستار، قۇرىلىس، كۇردەلى جوندەۋ بويىنشا ۇنەمدەۋ) مىناداي ۇسىنىستار ەنگىزىلەدى.
اتاپ ايتار بولساق، «جالپى سيپاتتاعى مەملەكەتتىك قىزمەتتەر» 1-فۋنكتسيونالدىق توپ بويىنشا باسقارۋ ورگاندارىنىڭ ماتەريالدىق-تەحنيكالىق بازاسىن نىعايتۋعا جانە ۇستاۋىنا 1,1 ملرد.تەڭگە ءبولۋ جوسپارلانۋدا. «قوعامدىق ءتارتىپ جانە قاۋىپسىزدىك» 3-فۋنكتسيونالدىق توپ بويىنشا ىشكى ىستەر ورگاندارىنىڭ ماتەريالدىق-تەحنيكالىق بازاسىن نىعايتۋعا 100 ملن. تەڭگە قاراجات قاراستىرىلۋدا. وسى فۋنكتسيونالدىق توپتىڭ دامۋ بيۋدجەتىنىڭ شىعىندارى 64,2 ملن.تەڭگەنى قۇرادى. ونىڭ ىشىندە رايىمبەك اۋدانىنىڭ نارىنقول اۋىلىندا ءورت ءسوندىرۋ دەپوسىنىڭ قۇرىلىسىن باستاۋعا جانە اقسۋ جانە سارقان اۋداندارىندا 4 ۋچاسكەلىك پوليتسيا پۋنكتتەرىنىڭ قۇرىلىسىن اياقتاۋعا قارجى قاراستىرىلۋدا.
«ءبىلىم بەرۋ» 4-فۋنكتسيونالدىق توپ بويىنشا اعىمداعى شىعىندارعا قوسىمشا 2,5 ملرد.تەڭگە ءبولۋ جوسپارلانۋدا. بۇل رەتتە ءبىلىم بەرۋ نىساندارىنا كۇردەلى جوندەۋ جۇرگىزۋ، مەكتەپتەردە بەينەباقىلاۋ جۇيەلەرىن ورناتۋ، مەكتەپ كىتاپحانالارىن جاڭعىرتۋ، ءبىلىم بەرۋ ۇيىمدارىندا پاندۋستار ورناتۋ كوزدەلۋدە.
جۇمىسپەن قامتۋ 2020-2021 جول كارتاسى اياسىندا 6 ءبىلىم بەرۋ نىسانى بويىنشا كۇردەلى جوندەۋ جۇمىستارىن اياقتاۋعا 1,1 ملرد.تەڭگە قاراستىرىلعان. «جالىن» جازعى لاگەرىنىڭ قۇرىلىسىنا، كەربۇلاق اۋدانىندا 50 ورىندى ونەر مەكتەبىنىڭ قۇرىلىسىن اياقتاۋعا دا ارنايى قارجى بولىنبەك. «Nur Otan» پارتياسىنىڭ سايلاۋالدى باعدارلاماسىن ورىنداۋ ءۇشىن قاراتال، كوكسۋ جانە ۇيعىر اۋداندارىندا 1200 ورىندى 3 مەكتەپتىڭ جانە تالدىقورعان قالاسىنداعى مۋزىكالىق كوللەدج ءۇشىن 100 ورىندى جاتاقحانانىڭ قۇرىلىسىن باستاۋ كوزدەلۋدە.
«دەنساۋلىق ساقتاۋ» 5-فۋنكتسيونالدىق توپ بويىنشا اعىمداعى شىعىندارعا قوسىمشا 1,1 ملرد.تەڭگە ءبولۋ جوسپارلانۋدا. بۇل قارجى كوروناۆيرۋسپەن كۇرەسكە تارتىلعان مەديتسينا قىزمەتكەرلەرىنىڭ تاماقتانۋىنا جانە تۇرۋىنا، دەنساۋلىق ساقتاۋ نىساندارىن گازبەن جىلىتۋعا قوسۋعا، «جەدەل جاردەم» كولىكتەرى ءۇشىن بەينەباقىلاۋ جۇيەلەرىن ساتىپ الۋ جانە ليزينگكە ساتىپ الىنعان اۆتوكولىكتەرگە سەرۆيستىك قىزمەت كورسەتۋگە، كەگەن اۋدانى العاباس اۋىلىنداعى دارىگەرلىك امبۋلاتورياسىن كۇردەلى جوندەۋ جۇمىسىنا، №1 قالالىق ەمحاناسىنا جىلجىمالى فليۋوروموبيل ساتىپ الۋعا، جەدەلساتىلاردى اۋىستىرۋعا، دەنساۋلىق ساقتاۋ نىساندارىن اعىمداعى جوندەۋ جۇمىستارىنا جۇمسالماق.
وسى فۋنكتسيونالدىق توپتىڭ دامۋ بيۋدجەتىنىڭ شىعىندارى 225,1 ملن.تەڭگەنى قۇرادى. بۇل قاراجات تالدىقورعان قالاسىنىڭ ەركىن اۋىلىندا 100 كەلۋشىگە ارنالعان دارىگەرلىك امبۋلاتوريا قۇرىلىسىن، «تالدىقورعان قالاسىنداعى 300 توسەكتىك كوپبەيىندى اۋرۋحانا» جانىنداعى پاتولوگواناتوميالىق بولىمشە قۇرىلىسىن جانە جامبىل، قاراساي اۋداندارىندا 25 ادام قابىلدايتىن دارىگەرلىك امبۋلاتوريا قۇرىلىسىن اياقتاۋعا باعىتتالماق.
الەۋمەتتىك كومەكتىڭ اعىمداعى شىعىندارىنا قوسىمشا 883,6 ملن.تەڭگە ءبولۋ جوسپارلانۋدا. بۇل قارجى وتان سوعىسى جىلدارىندا تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كسرو-نىڭ وردەن جانە مەدالدارىمەن ماراپاتتالعان ادامدارعا بىرجولعى كومەك تولەۋگە، قوسىمشا كەپىلدەندىرىلگەن الەۋمەتتىك پاكەت شىعىندارىنا، ساناتورلىق-كۋرورتتىق ەمدەۋمەن قامتاماسىز ەتۋگە، پسيحونەۆرولوگيالىق اۋرۋلارى بار ەرەسەكتەر مەن مۇگەدەك بالالارعا ارنالعان جارتىلاي ستاتسيونار جاعدايىندا ارناۋلى الەۋمەتتىك قىزمەت كورسەتۋگە، بەلسەندى ۇزاق ءومىر ءسۇرۋ جانە «تەڭ قوعام» ورتالىقتارىن اشۋعا جۇمسالماق.
وسى فۋنكتسيونالدىق توپتىڭ دامۋ بيۋدجەتىنىڭ شىعىندارى نەگىزىندە 2020 جىلعى جۇمىسپەن قامتۋ جول كارتاسى شەڭبەرىندە تالعار قالاسىنىڭ «ايالا» ارناۋلى الەۋمەتتىك قىزمەتتەر كورسەتۋ ورتالىعىنىڭ جاپسارجاي قۇرىلىسىن اياقتاۋعا 183,3 ملن.تەڭگە باعىتتالعان.
تۇرعىن ءۇي-كوممۋنالدىق شارۋاشى- لىعى بويىنشا اعىمداعى شىعىستارعا 2,6 ملرد.تەڭگە قاراستىرىلۋدا. ول ەلدى مەكەندەردى اباتتاندىرۋ، جارىقتاندىرۋ جانە كوگالداندىرۋعا، ساپالى اۋىزسۋمەن قامتاماسىز ەتۋ بويىنشا ءىس-شارالاردى جۇزەگە اسىرۋعا، تالعار اۋدانىنىڭ ترانسفورماتورلىق قوسالقى ستانسىلارىن جانە ەلەكتر بەرۋ جەلىلەرىن اعىمداعى جوندەۋگە، كوپقاباتتى تۇرعىن ۇيلەردىڭ شاتىرى مەن قاسبەتتەرىن جوندەۋگە، باسقا دا ماقساتتارعا باعىتتالماق.
مادەنيەت سالاسىنىڭ اعىمداعى شىعىندارىنا قوسىمشا 883,5 ملن.تەڭگە ءبولۋ جوسپارلانۋدا. ول قاراجاتتى ج.جاباەۆتىڭ 175 جىلدىعىن مەرەكەلەۋگە ارنالعان ءىس-شارالار وتكىزۋگە، «جاسوسپىرىمدەرگە ارنالعان ۇيىرمەلەر ءۇشىن مەملەكەتتىك شىعارماشىلىق تاپسىرىستى ورنالاستىرۋعا، ەسكەلدى اۋدانى باقتىباي اۋىلدىق مادەنيەت ءۇيىنىڭ كۇردەلى جوندەۋ جۇمىستارىن اياقتاۋعا، مادەنيەت نىساندارىن اعىمداعى جوندەۋگە، مۇمكىندىگى شەكتەۋلى ادامدار ءۇشىن مادەنيەت نىساندارىن بەيىمدەۋگە، ماتەريالدىقتەحنيكالىق بازاسىن نىعايتۋعا، مادەنيەت مەكەمەلەرىنە عيمارات ساتىپ الۋعا، باسقا دا شىعىندارعا جۇمساۋ كوزدەلۋدە.
دەنە شىنىقتىرۋ جانە سپورت سالاسى بويىنشا اعىمداعى شىعىندارعا 1,1 ملرد.تەڭگە قاراستىرىلعان. بۇل قارجى بۇقارالىق سپورتتى دامىتۋ جانە بالالاردى قامتۋ ءۇشىن بالالار-جاسوسپىرىمدەر سپورت مەكتەبىن اشۋعا، جەڭىل اتلەتيكانى دامىتۋ ءۇشىن سپورتتىق قۇرال-جابدىق ساتىپ الۋعا، سپورتتىق ءىس-شارالاردى وتكىزۋگە، «ەڭبەكشىقازاق اۋدانى №2 بجسم» كمم جەڭىل اۆتوماشيناسىن ساتىپ الۋعا، بالالار سانىنىڭ ۇلعايۋىنا بايلانىستى تالدىقورعان قالاسىنىڭ وليمپيادالىق رەزەرۆ كوللەدجى مامانداندىرىلعان مەكتەپ-ينتەرناتىنان قوسىمشا توپتاردى اشۋعا 6 شتات بىرلىگىن ەنگىزۋگە جۇمسالماق. سونىمەن قاتار، تالدىقورعان قالاسىنداعى جابىق ءجۇزۋ باسسەينىنە ينجەنەرلىك جەلىلەرىنىڭ جانە رايىمبەك اۋدانىنىڭ نارىنقول اۋىلىنداعى دەنە شىنىقتىرۋساۋىقتىرۋ كەشەنىنىڭ، رايىمبەك اۋدانىنداعى مۇراعات عيماراتىنىڭ قۇرىلىسىن اياقتاۋعا دا قاراجات بولىنبەك.
كولىك جانە كوممۋنيكاتسيا سالاسى بويىنشا قالا، اۋىلىشىلىك جانە وبلىستىق ماڭىزى بار جولداردى جوندەۋگە، قاپشاعاي جانە تەكەلى قالالارىندا كوپبالالى انالاردى قالالىق قوعامدىق كولىكتە جەڭىلدىكپەن، تەگىن جول ءجۇرۋ ءۇشىن الەۋمەتتىك قولداۋعا دا قارجى قاراستىرىلعان.
سەسسيا بارىسىندا كەلەسى كەزەكتە «الماتى وبلىسى، قاراساي اۋدانى، رايىمبەك اۋىلدىق وكرۋگىنىڭ جەرىندە دەنە شىنىقتىرۋ-ساۋىقتىرۋ كەشەنىنىڭ قۇرىلىسى جانە پايدالانۋ» مەملەكەتتىك-جەكەشەلىك ارىپتەستىك جوباسى بويىنشا مەملەكەتتىك مىندەتتەمەلەردى قابىلداۋ تۋرالى» 2019 جىلعى 16 شىلدەدەگى №49-249 شەشىمىنە وزگەرىس ەنگىزۋ، «قاراساي اۋدانىنىڭ قىرعاۋىلدى اۋىلىنداعى مەكتەپكە دەيىنگى ءبىلىم بەرۋ قىزمەتىن كورسەتۋ ءۇشىن جەكەمەنشىك نىسان – بالاباقشانى جوندەۋ جانە پايدالانۋ» مەملەكەتتىك-جەكەشەلىك ارىپتەستىك جوباسى بويىنشا مەملەكەتتىك مىندەتتەمەلەردى قابىلداۋ تۋرالى» 2018 جىلعى 7 قاراشاداعى №36-194 شەشىمىنە وزگەرىس ەنگىزۋ، «2018 جىلعا مەملەكەتتىك-جەكەشەلىك ارىپتەستىك جوبالارى بويىنشا مەملەكەتتىك مىندەتتەمەلەردى قابىلداۋ تۋرالى» 2018 جىلعى 18 ءساۋىر- دەگى №30-161 شەشىمىنە وزگەرىس ەنگىزۋ، «تالدىقورعان قالاسىنداعى جابىق ءجۇزۋ باسسەين قۇرىلىسى جانە پايدالانۋى» مەملەكەتتىك-جەكەشەلىك ارىپتەستىك جوباسى بويىنشا مەملەكەتتىك مىندەتتەمەلەردى قابىلداۋ تۋرالى» 2019 جىلعى 25 اقپانداعى №43-226 شەشىمىنە وزگەرىس ەنگىزۋ ماسەلەلەرى قارالدى. سونىمەن قاتار، وبلىس بويىنشا تەكسەرۋ كوميس- سياسىنىڭ قازاقستان رەسپۋبليكاسىنىڭ «مەملەكەتتىك اۋديت جانە قارجىلىق باقىلاۋ تۋرالى» زاڭىمەن ايقىندال- عان قىزمەتتەر مەن مىندەتتەردى جۇزەگە اسىرۋى، 2019-2021 جىلدار ارالىعىندا اتقارعان قىزمەتى جانە قۇزىرەتتى ورگاندار تاراپىنان ايقىندالعان كەمشىلىكتەردى جويۋ تۋرالى الماتى وبلىسى بويىنشا تەكسەرۋ كوميسسياسىنىڭ توراعاسى مەيرام مۇساەۆتىڭ ەسەبى تىڭدالدى.
مەيرام ميرزانۇلىنىڭ سوزىنە جۇگىنسەك، 2019-2020 جىلدارى جالپى مەملەكەتتىك اۋديتپەن 776 239,7 ملن.تەڭگە بيۋدجەت قاراجاتتارى مەن مەملەكەت اكتيۆتەرى قامتىلىپ، 25 988,3 ملن.تەڭگە قازاقستان رەسپۋبليكاسىنىڭ بيۋدجەتتىك جانە وزگە دە زاڭدارىنىڭ بۇزۋشىلىقتارى جانە 649 راسىمدىك سيپاتتاعى بۇزۋشىلىقتار انىقتالعان. مەملەكەتتىك اۋديت جانە ساراپتامالىق-تالدامالىق ءىس-شارالاردىڭ قورىتىندىلارى بويىنشا مەملەكەتتىك اۋديت نىساندارىنا 376 تاپسىرما مەن ۇسىنىمدار جولدانعان. اۋديتورلىق ءىسشارالاردىڭ ناتيجەلەرى بويىنشا 120 ماتەريال پروتسەسسۋالدىق شەشىم قابىلداۋ ماقساتىندا قۇقىق قورعاۋ ورگاندارىنا بەرىلگەن. ەسەپتى كەزەڭدە جالپى سانى 156 لاۋازىمدى تۇلعاعا 11,3 ملن.تەڭگە اكىمشىلىك ايىپپۇل سالىنىپ، مەملەكەتتىك اۋديت وبەكتىلەرىنىڭ 259 لاۋازىمدى تۇلعاسى تارتىپتىك جاۋاپكەرشىلىككە تارتىلعان. اۋديتورلىق ءىس-شارا بويىنشا انىقتالعان بۇزۋشىلىقتاردىڭ جالپى سوماسى 4 759,1 ملن.تەڭگەنى قۇراعان.
سوڭعى ماسەلە بويىنشا وبلىستىق ءماسليحاتتىڭ ەكونوميكا، بيۋدجەت، قۇقىقتىق ءتارتىپ، سىبايلاس جەمقورلىققا قارسى كۇرەس، دەپۋتاتتىق وكىلەتتىكتەر مەن ەتيكا ماسەلەلەرى بويىنشا تۇراقتى كوميسسياسىنىڭ توراعاسى اسقار سۇلەيمەنوۆ تە قوسىمشا بايانداپ ءوتتى.
سەسسيانىڭ كۇن تارتىبىنە ەنگىزىلگەن ماسەلەلەر تولىعىمەن قارالىپ، ءتيىستى شەشىمدەر قابىلداندى.
