قازاقستاندا ۇلتتىق پانتەوندى كەڭەيتۋ جوسپاردا جوق. بۇل تۋرالى ەسىل اۋدانى اكىمدىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى Vlast.kz سايتىنا سىلتەپ.
«2025 جىلعا ارنالعان بيۋدجەت جوباسىندا پانتەوندى كەڭەيتۋگە قاراجات قاراستىرىلماعان. قازىرگى ۋاقىتتا پانتەونعا جەرلەۋ جۇمىستارى جۇرگىزىلۋدە»، - دەپ حابارلادى ەسىل اۋدانى اكىمدىگىنىڭ ءباسپاسوز قىزمەتى.
وتكەن جىلى پانتەوننىڭ اتىن وزگەرتۋگە بولاتىنى تۋرالى اڭگىمە بولعانىمەن، اكىمدىك مۇنداي سۇراق قازىر تۋىندامايدى دەپ جاۋاپ بەردى.
ءبىرىنشى كەزەڭنىڭ ءبىرىنشى ىسكە قوسۋ كەشەنى سالىندى، ونىڭ اياسىندا قابانباي باتىر كەسەنەسىنە كۇردەلى جوندەۋ جۇمىستارى جۇرگىزىلىپ، قۇلپىتاستاردى ورناتۋ ارقىلى وعان جاقىن اۋماقتار مەن قولدانىستاعى جەرلەۋ ورىندارىن اباتتاندىرۋ جۇمىستارى جۇرگىزىلدى. جوبانىڭ قۇنى 850,3 ميلليون تەڭگەنى قۇرايدى. سونىمەن قاتار، ەسكەرتكىشتەر دەمەۋشىلىك قاراجات ەسەبىنەن جاسالعان.
قازىر پانتەوندا 25 ورىن بار، دەگەنمەن اكىمدىك قاجەت بولعان جاعدايدا پانتەوندى كەڭەيتپەي-اق ورىنداردىڭ سانىن 40-قا دەيىن ارتتىرۋعا بولادى دەپ سەندىردى.
