Almaty oblysynyń ákimdiginde máslıhattyń kezekten tys IV sessııasy ótti. Oǵan oblystyq máslıhat hatshysy Janbolat Jórgenbaev, depýtattar men basqarma basshylary qatysty. Sessııa jumysyn oblystyq máslıhat depýtaty Gúlnár Toılybaeva júrgizdi.
Kún tártibinde birqatar másele qaraldy. Sonyń negizgisi – máslıhattyń 2020 jylǵy 15 jeltoqsandaǵy "Almaty oblysynyń 2021- 2023 jyldarǵa arnalǵan oblystyq bıýdjeti týraly" №64-339 sheshimine ózgerister men tolyqtyrýlar engizý. Bul týrasynda oblystyq ekonomıka jáne bıýdjettik josparlaý basqarmasynyń basshysy Jomart Ámirhanov baıandama jasady.
– Respýblıkalyq bıýdjetten aǵymdaǵy nysanaly transfertter esebinen 5,4 mlrd. teńge bólindi. Onyń ishinde halyqty ımmýndaý úshin koronavırýs ınfekııasyna qarsy vakınalardy jáne ózdiginen bloktalatyn shprıterdi satyp alýǵa (QRÚ rezervinen) 5,2 mlrd. teńge, ishki ister organdary qyzmetkerleriniń laýazymdyq jalaqylaryn arttyrýǵa 176,7 mln. teńge qarastyryldy. Sonymen qatar, 32,6 mlrd. teńgege memlekettik emıssııalyq baǵaly qaǵazdardy shyǵarý josparlanýda. Bul rette 2020-2021 jyldarǵa arnalǵan Jumyspen qamtý jol kartasy sheńberinde sharalardy qarjylandyrý úshin 25,1 mlrd.teńge, kredıttik úıler qurylysyna 7,5 mlrd.teńge baǵyttalmaq, - dedi basqarma basshysy.
Bıýdjet qarajatynyń ótken jylǵy qorytyndysy boıynsha qalyptasqan bos qaldyqtary esebinen 9 mlrd. teńge, onyń ishinde Jumyspen qamtýdyń 2020-2021 jyldarǵa arnalǵan Jol kartasy sheńberindegi jobalardy aıaqtaýǵa 5,2 mlrd. teńge baǵyttaý usynylady.
Bıýdjet zańnamasynyń normalaryna sáıkes paıdalanylmaǵan (tolyq paıdalanylmaǵan) nysanaly transfertter aǵymdaǵy qarjy jyly joǵary turǵan bıýdjetke qaıtarýǵa jatady. 2020 jyldyń qorytyndysy boıynsha respýblıkalyq bıýdjetke qaıtarýǵa jatatyn transfertterdiń qaldyǵy 804,6 mln. teńgeni quraıdy. Respýblıkalyq bıýdjetten berilgen paıdalanylmaǵan bıýdjettik kredıtterdi qaıtarý 167 myń teńge.
Ústimizdegi jyldyń I toqsanynda kirister kólemi 129,8% (naqty túsim – 77,7 mlrd. teńge, jospar 59,9 mlrd. teńge) oryndalǵanyn eskere otyryp jáne shuǵyl sheshimin talap etetin shyǵyndardy qarjylandyrý maqsatynda salyqtyq túsimder boljamyn 7 mlrd.teńgege arttyrýǵa usynys engizilip otyr.
Basqarma basshysynyń aıtýynsha, "Nur Otan" partııasynyń «Ózgerister joly: ár azamatqa laıyqty ómir!» saılaýaldy baǵdarlamasy aıasynda Jol kartasy ázirlenip, bekitilgen. Osy sharalardy iske asyrýǵa 1,5 mlrd. teńge baǵyttaý usynylady. Sonymen qatar, jergilikti bıýdjet qarajatyn bıýdjettik baǵdarlamalar ákimshileri arasynda qaıta bólý esebinen (aǵymdaǵy shyǵystar, qurylys, kúrdeli jóndeý boıynsha únemdeý) mynadaı usynystar engiziledi.
Atap aıtar bolsaq, «Jalpy sıpattaǵy memlekettik qyzmetter» 1-fýnkıonaldyq top boıynsha basqarý organdarynyń materıaldyq-tehnıkalyq bazasyn nyǵaıtýǵa jáne ustaýyna 1,1 mlrd.teńge bólý josparlanýda. «Qoǵamdyq tártip jáne qaýipsizdik» 3-fýnkıonaldyq top boıynsha ishki ister organdarynyń materıaldyq-tehnıkalyq bazasyn nyǵaıtýǵa 100 mln. teńge qarajat qarastyrylýda. Osy fýnkıonaldyq toptyń damý bıýdjetiniń shyǵyndary 64,2 mln.teńgeni qurady. Onyń ishinde Raıymbek aýdanynyń Narynqol aýylynda órt sóndirý deposynyń qurylysyn bastaýǵa jáne Aqsý jáne Sarqan aýdandarynda 4 ýchaskelik polıııa pýnktteriniń qurylysyn aıaqtaýǵa qarjy qarastyrylýda.
«Bilim berý» 4-fýnkıonaldyq top boıynsha aǵymdaǵy shyǵyndarǵa qosymsha 2,5 mlrd.teńge bólý josparlanýda. Bul rette bilim berý nysandaryna kúrdeli jóndeý júrgizý, mektepterde beınebaqylaý júıelerin ornatý, mektep kitaphanalaryn jańǵyrtý, bilim berý uıymdarynda pandýstar ornatý kózdelýde.
Jumyspen qamtý 2020-2021 Jol kartasy aıasynda 6 bilim berý nysany boıynsha kúrdeli jóndeý jumystaryn aıaqtaýǵa 1,1 mlrd.teńge qarastyrylǵan. «Jalyn» jazǵy lageriniń qurylysyna, Kerbulaq aýdanynda 50 oryndy óner mektebiniń qurylysyn aıaqtaýǵa da arnaıy qarjy bólinbek. «Nur Otan» partııasynyń saılaýaldy baǵdarlamasyn oryndaý úshin Qaratal, Kóksý jáne Uıǵyr aýdandarynda 1200 oryndy 3 mekteptiń jáne Taldyqorǵan qalasyndaǵy mýzykalyq kolledj úshin 100 oryndy jataqhananyń qurylysyn bastaý kózdelýde.
«Densaýlyq saqtaý» 5-fýnkıonaldyq top boıynsha aǵymdaǵy shyǵyndarǵa qosymsha 1,1 mlrd.teńge bólý josparlanýda. Bul qarjy koronavırýspen kúreske tartylǵan medıına qyzmetkerleriniń tamaqtanýyna jáne turýyna, densaýlyq saqtaý nysandaryn gazben jylytýǵa qosýǵa, «Jedel járdem» kólikteri úshin beınebaqylaý júıelerin satyp alý jáne lızıngke satyp alynǵan avtokólikterge servıstik qyzmet kórsetýge, Kegen aýdany Alǵabas aýylyndaǵy dárigerlik ambýlatorııasyn kúrdeli jóndeý jumysyna, №1 qalalyq emhanasyna jyljymaly flıýoromobıl satyp alýǵa, jedelsatylardy aýystyrýǵa, densaýlyq saqtaý nysandaryn aǵymdaǵy jóndeý jumystaryna jumsalmaq.
Osy fýnkıonaldyq toptyń damý bıýdjetiniń shyǵyndary 225,1 mln.teńgeni qurady. Bul qarajat Taldyqorǵan qalasynyń Erkin aýylynda 100 kelýshige arnalǵan dárigerlik ambýlatorııa qurylysyn, «Taldyqorǵan qalasyndaǵy 300 tósektik kópbeıindi aýrýhana» janyndaǵy patologoanatomııalyq bólimshe qurylysyn jáne Jambyl, Qarasaı aýdandarynda 25 adam qabyldaıtyn dárigerlik ambýlatorııa qurylysyn aıaqtaýǵa baǵyttalmaq.
Áleýmettik kómektiń aǵymdaǵy shyǵyndaryna qosymsha 883,6 mln.teńge bólý josparlanýda. Bul qarjy Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSRO-nyń orden jáne medaldarymen marapattalǵan adamdarǵa birjolǵy kómek tóleýge, qosymsha kepildendirilgen áleýmettik paket shyǵyndaryna, sanatorlyq-kýrorttyq emdeýmen qamtamasyz etýge, psıhonevrologııalyq aýrýlary bar eresekter men múgedek balalarǵa arnalǵan jartylaı staıonar jaǵdaıynda arnaýly áleýmettik qyzmet kórsetýge, belsendi uzaq ómir súrý jáne «Teń qoǵam» ortalyqtaryn ashýǵa jumsalmaq.
Osy fýnkıonaldyq toptyń damý bıýdjetiniń shyǵyndary negizinde 2020 jylǵy Jumyspen qamtý Jol kartasy sheńberinde Talǵar qalasynyń «Aıala» arnaýly áleýmettik qyzmetter kórsetý ortalyǵynyń japsarjaı qurylysyn aıaqtaýǵa 183,3 mln.teńge baǵyttalǵan.
Turǵyn úı-kommýnaldyq sharýashy- lyǵy boıynsha aǵymdaǵy shyǵystarǵa 2,6 mlrd.teńge qarastyrylýda. Ol eldi mekenderdi abattandyrý, jaryqtandyrý jáne kógaldandyrýǵa, sapaly aýyzsýmen qamtamasyz etý boıynsha is-sharalardy júzege asyrýǵa, Talǵar aýdanynyń transformatorlyq qosalqy stansylaryn jáne elektr berý jelilerin aǵymdaǵy jóndeýge, kópqabatty turǵyn úılerdiń shatyry men qasbetterin jóndeýge, basqa da maqsattarǵa baǵyttalmaq.
Mádenıet salasynyń aǵymdaǵy shyǵyndaryna qosymsha 883,5 mln.teńge bólý josparlanýda. Ol qarajatty J.Jabaevtyń 175 jyldyǵyn merekeleýge arnalǵan is-sharalar ótkizýge, «Jasóspirimderge arnalǵan úıirmeler úshin memlekettik shyǵarmashylyq tapsyrysty ornalastyrýǵa, Eskeldi aýdany Baqtybaı aýyldyq Mádenıet úıiniń kúrdeli jóndeý jumystaryn aıaqtaýǵa, mádenıet nysandaryn aǵymdaǵy jóndeýge, múmkindigi shekteýli adamdar úshin mádenıet nysandaryn beıimdeýge, materıaldyqtehnıkalyq bazasyn nyǵaıtýǵa, mádenıet mekemelerine ǵımarat satyp alýǵa, basqa da shyǵyndarǵa jumsaý kózdelýde.
Dene shynyqtyrý jáne sport salasy boıynsha aǵymdaǵy shyǵyndarǵa 1,1 mlrd.teńge qarastyrylǵan. Bul qarjy buqaralyq sportty damytý jáne balalardy qamtý úshin balalar-jasóspirimder sport mektebin ashýǵa, jeńil atletıkany damytý úshin sporttyq qural-jabdyq satyp alýǵa, sporttyq is-sharalardy ótkizýge, «Eńbekshiqazaq aýdany №2 BJSM» KMM jeńil avtomashınasyn satyp alýǵa, balalar sanynyń ulǵaıýyna baılanysty Taldyqorǵan qalasynyń olımpıadalyq rezerv kolledji mamandandyrylǵan mektep-ınternatynan qosymsha toptardy ashýǵa 6 shtat birligin engizýge jumsalmaq. Sonymen qatar, Taldyqorǵan qalasyndaǵy jabyq júzý basseınine ınjenerlik jelileriniń jáne Raıymbek aýdanynyń Narynqol aýylyndaǵy dene shynyqtyrýsaýyqtyrý kesheniniń, Raıymbek aýdanyndaǵy muraǵat ǵımaratynyń qurylysyn aıaqtaýǵa da qarajat bólinbek.
Kólik jáne kommýnıkaııa salasy boıynsha qala, aýylishilik jáne oblystyq mańyzy bar joldardy jóndeýge, Qapshaǵaı jáne Tekeli qalalarynda kópbalaly analardy qalalyq qoǵamdyq kólikte jeńildikpen, tegin jol júrý úshin áleýmettik qoldaýǵa da qarjy qarastyrylǵan.
Sessııa barysynda kelesi kezekte «Almaty oblysy, Qarasaı aýdany, Raıymbek aýyldyq okrýginiń jerinde dene shynyqtyrý-saýyqtyrý kesheniniń qurylysy jáne paıdalaný» memlekettik-jekeshelik áriptestik jobasy boıynsha memlekettik mindettemelerdi qabyldaý týraly» 2019 jylǵy 16 shildedegi №49-249 sheshimine ózgeris engizý, «Qarasaı aýdanynyń Qyrǵaýyldy aýylyndaǵy mektepke deıingi bilim berý qyzmetin kórsetý úshin jekemenshik nysan – balabaqshany jóndeý jáne paıdalaný» memlekettik-jekeshelik áriptestik jobasy boıynsha memlekettik mindettemelerdi qabyldaý týraly» 2018 jylǵy 7 qarashadaǵy №36-194 sheshimine ózgeris engizý, «2018 jylǵa memlekettik-jekeshelik áriptestik jobalary boıynsha memlekettik mindettemelerdi qabyldaý týraly» 2018 jylǵy 18 sáýir- degi №30-161 sheshimine ózgeris engizý, «Taldyqorǵan qalasyndaǵy jabyq júzý basseın qurylysy jáne paıdalanýy» memlekettik-jekeshelik áriptestik jobasy boıynsha memlekettik mindettemelerdi qabyldaý týraly» 2019 jylǵy 25 aqpandaǵy №43-226 sheshimine ózgeris engizý máseleleri qaraldy. Sonymen qatar, oblys boıynsha tekserý komıs- sııasynyń Qazaqstan Respýblıkasynyń «Memlekettik aýdıt jáne qarjylyq baqylaý týraly» Zańymen aıqyndal- ǵan qyzmetter men mindetterdi júzege asyrýy, 2019-2021 jyldar aralyǵynda atqarǵan qyzmeti jáne quzyretti organdar tarapynan aıqyndalǵan kemshilikterdi joıý týraly Almaty oblysy boıynsha tekserý komıssııasynyń tóraǵasy Meıram Musaevtyń esebi tyńdaldy.
Meıram Mırzanulynyń sózine júginsek, 2019-2020 jyldary jalpy memlekettik aýdıtpen 776 239,7 mln.teńge bıýdjet qarajattary men memleket aktıvteri qamtylyp, 25 988,3 mln.teńge Qazaqstan Respýblıkasynyń bıýdjettik jáne ózge de zańdarynyń buzýshylyqtary jáne 649 rásimdik sıpattaǵy buzýshylyqtar anyqtalǵan. Memlekettik aýdıt jáne saraptamalyq-taldamalyq is-sharalardyń qorytyndylary boıynsha memlekettik aýdıt nysandaryna 376 tapsyrma men usynymdar joldanǵan. Aýdıtorlyq issharalardyń nátıjeleri boıynsha 120 materıal proessýaldyq sheshim qabyldaý maqsatynda quqyq qorǵaý organdaryna berilgen. Esepti kezeńde jalpy sany 156 laýazymdy tulǵaǵa 11,3 mln.teńge ákimshilik aıyppul salynyp, memlekettik aýdıt obektileriniń 259 laýazymdy tulǵasy tártiptik jaýapkershilikke tartylǵan. Aýdıtorlyq is-shara boıynsha anyqtalǵan buzýshylyqtardyń jalpy somasy 4 759,1 mln.teńgeni quraǵan.
Sońǵy másele boıynsha oblystyq máslıhattyń ekonomıka, bıýdjet, quqyqtyq tártip, sybaılas jemqorlyqqa qarsy kúres, depýtattyq ókilettikter men etıka máseleleri boıynsha turaqty komıssııasynyń tóraǵasy Asqar Súleımenov te qosymsha baıandap ótti.
Sessııanyń kún tártibine engizilgen máseleler tolyǵymen qaralyp, tıisti sheshimder qabyldandy.
