قاراتال اۋداندىق اۋىلشارۋاشىلىعى ءبولىمىنىڭ مالىمەتىنە سۇيەنسەك، بيىل وڭىرىمىزدە 21601 گەكتار جەرگە ءدان سەبىلمەك. ۇشتوبە وڭىرىنىڭ شارۋالارى تاڭنان كەشكە دەيىن بەل جازباي ەڭبەك ەتىپ جاتىر. قازىر جۇمىس قىزا تۇسكەن.
ناقتىراق ايتار بولساق، 3134 گەكتار جەرگە مايبۇرشاق، 2544 گەكتار جەرگە ارپا، 788 گەكتار جەرگە جازدىق بيداي ەگىلمەك. اۋداندا جىل سايىن قىزىلشا ءوسىرۋ كولەمى ارتىپ كەلەدى. بيىل 1400 گەكتار جەرگە بالتامىر ءدانىن ەگۋ جوسپارلانۋدا. سونىمەن بىرگە 225 گەكتار جەرگە كۇنباعىس، 400 گەكتار جەرگە ماقسارى، 1120 گەكتار القاپقا كارتوپ، 1754 گەكتار جەرگە كوكونىس ەگۋ كوزدەلىپ وتىر.
قازىرگى تاڭدا جەر جىرتۋ، تەگىستەۋ جۇمىستارى جۇرگىزىلۋدە. جالپى، اۋدان بويىنشا 9935 گەكتار ەگىستىك القابىنا سوقا سالىنباق. سونداي-اق 5000 گەكتار سۇدىگەر، 2126 گەكتار كوپجىلدىق ءشوپ ەگۋ ىسكە اسىرىلادى. دالا توسىندە تراكتورلاردىڭ گۇرىلدەگەن داۋىسى ەستىلىپ، ەگىن ەگۋ جۇمىستارى جاندانا ءتۇستى. «كوكتەمنىڭ ءار كۇنى – جىلعا ازىق» دەمەكشى، شارۋالار تاڭنىڭ اتىسىنان كۇننىڭ باتىسىنا دەيىن بەل جازباي ەڭبەك ەتىپ ءجۇر.
