جەتىسۋ وڭىرىندە قۇرىلعان سەرۆيستىك-دايارلاۋ ورتالىعى ۇيعىر اۋدانىندا ءوز جۇمىسىن باستادى. ورتالىقتىڭ بارشا جاڭا تەحنيكالارى كوكتەمگى ەگىن ەگۋ ماۋسىمىنا قىزۋ قاتىسۋدا. بۇگىندە سەرۆيستىك-دايارلاۋ ورتالىعىندا جەرگىلىكتى بيۋدجەتتەن بولىنگەن. 550 ميلليون تەنگەگە ساتىپ الىنعان 39 تەحنيكا بار.
- ورتالىقتىڭ تەحنيكالىق پاركى باحار اۋىلدىق وكرۋگىنىڭ اۋماعىندا ورنالاسقان. ءبىزدىڭ مىندەت - سەرۆيستىك-دايارلاۋ ورتالىعىمەن كەلىسىمگە وتىرعان اۋىلشارۋاشىلىق كاسىپپەن اينالىساتىن قوجالىقتارعا قىزمەت كورسەتۋ، - دەدى سەرۆيستىك-دايارلاۋ ورتالىعى باس ديرەكتورىنىڭ ورىنباسارى قۇرالبەك بەكمۇحامبەتوۆ.
«جەتىسۋ» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامى وكىلدەرى بەرگەن مالىمەتتە جاڭا سەرۆيستىك-دايارلىق ورتالىعى "جاركەنت كراحمال-سىرنە زاۋىتى" جشس بازاسى نەگىزىندە قۇرىلعان. بۇگىندە سەرۆيستىك-دايارلاۋ ورتالىعىنىڭ ەنشىسىندە 39 تەحنيكا بار. ولار جوعارى تەحنولوگيالىق مۇمكىندىگى بار تۇقىم سەپكىشتەر، ەگىن جيناۋعا نەگىزدەلگەن كومبايندار، تاعىسىن تاعىلار. ورتالىقتىڭ قۇزىرەتىندەگىلەر جۇگەرى جانە ءداندى داقىلدار ەگەتىن قوجالىقتارعا كومەك بەرەدى.
جالپى الماتى وبلىسى اۋماعىندا 51 سەرۆيستىك-دايارلاۋ ورتالىعى جۇمىس ىستەيدى. ولار ءتۇرلى باعىتتا قۇرىلعان: "قان قىزىلشاسى", "جۇگەرى", " ءداندى داقىل،" "كوكونىس", "كۇرىش", "كارتوفەل" جانە "مال ازىعى" باعىتىندا جۇمىس ىستەيدى. ولارعا 1200 تەحنيكا 11 ملرد.تەڭگە قارجىلىق ليزينگە بەرىلگەن. وڭىردە سەرۆيستىك-دايارلىق ورتالىقتارىن قۇرۋ ناتيجەسىندە 250 شاعىن جانە ورتاشا قوجالىقتار بىرىكتىرىلگەن. ناتيجەسىندە 1 مىڭ ادام تۇراقتى جانە 12 مىڭ ادام ماۋسىمدىق جۇمىسپەن قامتىلعان.
