جاپپاي ەگىن جيناۋ اياقتالعاننان كەيىن پرەزيدەنت قاسىم-جومارت توقاەۆ ديقانداردى قۇتتىقتاپ، دەنساۋلىق پەن ەڭبەكتەرىنە تابىس تىلەدى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
"ديقاندارىمىزدىڭ جوعارى كاسىبيلىگىنىڭ، ءوز ىسىنە ادالدىعىنىڭ جانە قاجىرلى ەڭبەگىنىڭ ارقاسىندا اگروونەركاسىپ كەشەنى ازىق-تۇلىك قاۋىپسىزدىگىنىڭ سەنىمدى كەپىلىنە جانە ەكونوميكالىق دامۋدىڭ باستى قوزعاۋشى كۇشىنە اينالدى. ءبىز تۇرعىلىقتى جەرىنە قاراماستان بارلىق ازاماتتىڭ جان جاقتى دامۋىنا بىردەي مۇمكىندىك بەرىلەتىن ادىلەتتى قازاقستاندى قۇرىپ جاتىرمىز. سوندىقتان اۋىل تۇرعىندارىنىڭ ءال-اۋقاتىن ارتتىرىپ، تۇرمىس سالتىن جاقسارتۋ - ءبىزدىڭ باستى مىندەتىمىز. بارشا ديقانعا زور دەنساۋلىق پەن باق بەرەكە تىلەيمىن", - دەلىنگەن پرەزيدەنتتىڭ قۇتتىقتاۋ حاتىندا.
16 قازان - قازاقستاندا نان كۇنى. مەرەكەلىك كۇن 2019 جىلى ۇكىمەتتىڭ قاۋلىسىمەن بەلگىلەندى. بۇل كۇن نان ونىمدەرىنىڭ، سونداي-اق، نان وندىرىسىنە قاتىسى بار بارلىق ماماننىڭ، نان وندىرۋشىلەر، ۇن تارتۋشىلار مەن ناۋبايشىلاردىڭ، جوعارى مارتەبەسىن نىعايتۋعا ارنالعان.
"بيىل نان ءونىمى بۇرىن بەلگىلەنگەن بولجامدى دەڭگەيدەن اسىپ ءتۇستى. ماسەلەن، جوسپارلانعان 19,5 ميلليون توننا بۋنكەرلىك سالماقتاعى استىقتىڭ ورنىنا بۇگىندە 21,7 ميلليون توننادان استام استىق باستىرىلدى. سونىمەن قاتار، 16,3 ميلليون توننادان استام بيداي جينالدى، بۋنكەرلىك سالماقتا 14,1 ميلليون توننا جينالادى دەپ بولجانعان بولاتىن. مۇنىڭ ءبارى نان وسىرۋشىلەردىڭ قاجىماس ەڭبەگىنىڭ ارقاسىندا مۇمكىن بولدى. بۇگىنگى تاڭدا قازاقستاندىق فەرمەرلەردىڭ استىقپەن وتاندىق نارىقتى عانا ەمەس، ونى ءبىزدىڭ ونىمدەرىمىزدىڭ ساپالىق كورسەتكىشتەرى جوعارى باعالاناتىن شەت مەملەكەتتەرگە ساۋدالاۋعا مۇمكىندىگى بار", - دەدى ۆەدومستۆو وكىلدەرى.
