قازاقستاندىق ءانشى تولقىن زابيروۆا جانە ونىڭ 74 جاستاعى اناسى تاعى دا كوروناۆيرۋسپەن اۋىردى، دەپ حابارلايدى "ادىرنا" ءتىلشىسى.
بۇل تۋرالى ءانشى Instagram جەلىسىندە حابارلادى.
"ەكىنشى رەت اۋىرىپ قالۋ مۇمكىن ەمەس، دەپ ءجۇرىپ... انتيتەلانىڭ ارقاسىندا جەڭىلىرەك ءوتىپ جاتىر.تەك ماماما اۋىر بولىپ تۇر! جاسى 74! اللا شيپاسىن بەرسىن ماماما! دەر كەزىندە پريۆيۆكا العان دۇرىس ەكەن. بىراق وسىنداي جاستا،ۇلكەندەرگە جاساتۋعا بولارما ەكەن؟! ءبارىمىز امان بولايىق،اۋىرىپ جاتقاندارعا اللا كۇش-قۋات بەرىپ،مىنا ىندەتتەن قۇتىلىپ،مەرەكە كۇندەردە باس قوسايىق، دوستار!!" دەپ جازدى تولقىن حانىم ءوز پاراقشاسىندا.
پىكىرلەر بولىمىندە كوپشىلىك تەزىرەك ساۋىعىپ كەتۋلەرىن تىلەدى.
14 ساۋىردە قازاقستان رەسپۋبليكاسى دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ توراعاسى ايجان ەسماعامبەتوۆا جاڭا شتامداردىڭ پايدا بولۋىمەن كوروناۆيرۋستىق ينفەكتسيانىڭ قايتالانعان جاعدايلارىنىڭ پايدا بولۋ قاۋپى جوعارى ەكەنىن ايتقان ەدى.
"ادىرنا" ۇلتتىق پورتالى
