قر دەنساۋلىق ساقتاۋ ءمينيسترى ەلجان ءبىرتانوۆ ەلىمىزدە كوروناۆيرۋس جۇقتىرعانداردىڭ جوق ەكەندىگىن ايتىپ، Facebook-تەگى پاراقشاسىندا مالىمدەمە جاسادى.
قىتايدان باستاۋ العان كوروناۆيرۋس ينفەكتسياسى 115 ەلگە تارالىپ، كەڭ بەلەڭ الىپ وتىر. ولاردىڭ ىشىندە ءبىزدىڭ كورشى، شەكارالاس ەلدەر دە بار. ءبىز ولارمەن تىكەلەي اۋە قاتىناستارىن ورناتقانبىز. الەمنەن تۇگەلدەي وقشاۋلانۋ مۇمكىن ەمەس ەكەندىگىن بارلىعىمىز بىلەمىز، تۇسىنەمىز. ەلىمىزدىڭ اۋماعىنا ينفەكتسيانىڭ ەنۋى مۇمكىن ەكەنىن دە جوققا شىعارمايمىز. بىراق ۇكىمەت كوروناۆيرۋس ينفەكتسياسىنىڭ ەلىمىزگە كىرىپ، تارالىپ كەتپەۋى ءۇشىن بارلىق قاجەتتى شارالاردى اتقارىپ جاتىر. بۇگىندە ەلىمىزدە كوروناۆيرۋس جۇقتىرعان بىردە-ءبىر جاعداي انىقتالمادى، - دەدى ءبىرتانوۆ.
ەلىمىزدىڭ باس سانيتارى بەكشيننىڭ ەلىمىزدە 1-2 كۇندە كوروناۆيرۋس ينفەكتسياسىنىڭ انىقتالىپ قالادى دەگەن بولجامى، تەك ءبىزدىڭ عالىمداردىڭ ستاتيستيكالىق مودەلدەۋ ءادىسىنىڭ بولجامى عانا ەكەندىگىن دە جەتكىزدى.
ولار ەلىمىزدەگى جولاۋشىلار اعىمى مەن الەم بويىنشا تارالىپ جاتقان ينفەكتسيانىڭ تارالۋىن باستاپقى دەرەك رەتىندە الىپ، بولجام جاساپ وتىر. ەسكەرەتىن جايت، سىرتقى فاكتورلاردىڭ اسەرىنەن دەرەكتەر ۇنەمى وزگەرىپ وتىرادى. لانتسەت جۋرنالىندا وسىعان ۇقساس بولجام جاسالعان. ياعني ينفەكتسيانىڭ قىتايدان وزگە مەگاپوليستەرگە تارالۋىن بولجاعان. ءبىزدىڭ عالىمداردىڭ بولجامى جۇزەگە اسپاۋى دا مۇمكىن. تاعى دا ەسەرتىپ ايتامىن، قازاقستاندا كوروناۆيرۋس ينفەكتسياسى بۇگىنگى كۇنگە دەيىن تىركەلمەدى، - دەدى مينيستر.
ەستەرىڭىزگە سالا كەتەيىك، بەكشين ەلىمىزدە 11-16 ناۋرىزدا كوروناۆيرۋس تىركەلۋى مۇمكىن دەگەن بولجام ايتقان بولاتىن.
