Qazaqstandyq ánshi Tolqyn Zabırova jáne onyń 74 jastaǵy anasy taǵy da koronavırýspen aýyrdy, dep habarlaıdy "Adyrna" tilshisi.
Bul týraly ánshi Instagram jelisinde habarlady.
"Ekinshi ret aýyryp qalý múmkin emes, dep júrip... Antıtelanyń arqasynda jeńilirek ótip jatyr.Tek mamama aýyr bolyp tur! Jasy 74! Alla shıpasyn bersin mamama! Der kezinde prıvıvka alǵan durys eken. Biraq osyndaı jasta,úlkenderge jasatýǵa bolarma eken?! Bárimiz aman bolaıyq,aýyryp jatqandarǵa Alla kúsh-qýat berip,myna indetten qutylyp,mereke kúnderde bas qosaıyq, dostar!!" dep jazdy Tolqyn hanym óz paraqshasynda.
Pikirler bóliminde kópshilik tezirek saýyǵyp ketýlerin tiledi.
14 sáýirde Qazaqstan Respýblıkasy Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova jańa shtamdardyń paıda bolýymen koronavırýstyq ınfekııanyń qaıtalanǵan jaǵdaılarynyń paıda bolý qaýpi joǵary ekenin aıtqan edi.
"Adyrna" ulttyq portaly
