عالامتور جەلىسىندە ەلىمىزدىڭ مەكتەپ وقۋشىلارى اتا-انالارىنىڭ كەلىسىمىنسىز Pfizer/BioNTech وندىرگەن ۆاكتسينامەن سالىناتىنى، بالا ۇيدە ۆاكتسيناتسيا تۋرالى ايتپاۋى ءۇشىن پرەپارات مۇرىنعا ارنالعان سپرەي تۇرىندە بولاتىنى تۋرالى قاۋەسەت تاراۋدا. بۇل وتىرىك دەپ حابارلايدى stopfake.kz. ⠀
جەلىنى شۋلاتقان اقپاراتتى قر دەنساۋلىق ساقتاۋ مينيسترلىگى جوققا شىعاردى.
«بۇل اقپارات شىندىققا جاناسپايدى. بىرىنشىدەن، Pfizer/BioNTech وندىرگەن ۆاكتسينانى قازاقستانعا 2021 جىلدىڭ ءتورتىنشى توقسانىندا جەتكىزۋ جوسپارلانعان. ەكىنشىدەن، ول تەك ينەنىڭ كومەگىمەن بۇلشىقەتكە ەگىلەدى. بۇل پرەپارات 12 جاستان اسقان جاسوسپىرىمدەرگە ارنالعان. ەستەرىڭىزگە سالا كەتەيىك، قازاقستاندا بالالاردى ۆاكتسيناتسيالاۋ تەك اتا-انالاردىڭ نەمەسە رەسمي وكىلدەردىڭ (قامقورشىلاردىڭ) اقپاراتتاندىرىلعان كەلىسىمىمەن عانا جۇرگىزىلەدى»، — دەپ حابارلادى ۆەدومستۆودان. ⠀
سونداي-اق، Pfizer/BioNTech وندىرگەن COVID-19 الدىن الۋعا ارنالعان پرەپارات بارلىق قاجەتتى كلينيكالىق جانە كلينيكاعا دەيىنگى سىناقتاردان وتكەندىگى، ونىڭ قاۋىپسىزدىگى مەن تيىمدىلىگى دالەلدەنگەندىگى ايتىلدى.
بۇل ۆاكتسينانى العاننان كەيىن بالالار جاپپاي ولەدى دەگەن دە قاۋەسەت. ۆاكتسينا اقش-تىڭ ازىق-تۇلىك جانە ءدارى-دارمەك ساپاسىن سانيتارلىق قاداعالاۋ باسقارماسىمەن ماقۇلدانعان جانە اقش، كانادا، اۆستراليا، بەلگيا، فرانتسيا، يسلانديا جانە ت. ب. 98 ەلدە قولدانىلۋدا. ونى قولدانۋ ناتيجەسىندە جاپپاي ءولىم تىركەلگەن جوق.
"ادىرنا" ۇلتتىق پورتالى
