«ادىرنا» ۇلتتىق پورتالىنىڭ كەزەكتى سۇحباتى الماتى وبلىسى بويىنشا سوتتار اكىمشىسى باسشىسىنىڭ مىندەتىن اتقارۋشى ە.ايتجانوۆ مىرزامەن بولدى.
- الماتى وبلىستىق سوتىنىڭ ۇجىمىمەن قانداي بيىك بەلەستەردى باعىندىردىڭىزدار؟ قاي جەتىستىكتەرىڭىز ەرەكشە ءارى ماڭىزدى بولىپ سانالادى؟ سوڭعى بەس جىلدا قانداي وڭ وزگەرىستەر ورىن الدى؟
- جەكە-دارا سوتتىڭ قول جەتكىزگەن جەتىستىكتەرىن، جالپى سوت جۇيەسىندە ورىن العان وڭ وزگەرىستەردەن ءبولىپ-جارىپ قاراستىرۋعا بولمايدى.
سوڭعى 5 جىلدا سوت جۇيەسىن تسيفرلاندىرۋ قارقىنى، سوتتاردىڭ ماتەريالدىق-تەحنيكالىق قامتاماسىزداندىرىلۋ دەڭگەيى مەن كولەمى، سوتتىڭ قولجەتىمدىلىگى پەن اشىقتىعى ساپالى جاڭا دەڭگەيگە كوتەرىلدى.
سوت ورگاندارىنىڭ سەرۆيستەرى مەن قىزمەتتەرىنە قول جەتكىزۋدىڭ بىرىڭعاي تەرەزەسى - «سوت كابينەتى»; 32 مەملەكەتتىك ورگانداردىڭ مالىمەتتەر بازالارىمەن ينتەگراتسيالانعان «تورەلىك» جۇيەسى; سوتقا كەلۋشىلەر ءۇشىن جاسالعان «فرونت وفيستار» جانە «مەدياتورلار كابينەتىنىڭ» جۇمىسى; «تاتۋلاسۋ: سوتقا دەيىن، سوتتا» جانە «تۇنگى سوت» جوبالارىنىڭ جۇمىسى - وڭ وزگەرىستەردىڭ دالەلى.
- قارا قىلدى قاق جارعان ادىلەتتىلىگىمەن كوزگە ءتۇسىپ، بيلىك تاراپىنان ۇزدىك ماراپاتتارعا يە بولعان ارداگەر قىزمەتكەر، سۋديا، ادۆوكاتتار بار ما؟ كىمدەردىڭ ەسىمىن ەرەكشە قۇرمەتپەن اتاپ وتەر ەدىڭىز؟
- قر جوعارعى سوتى توراعاسىنىڭ، سوتتاردىڭ قىزمەتىن قامتاماسىز ەتۋ دەپارتامەنتى باسشىسىنىڭ وكىمدەرىمەن بىرقاتار سوت جۇيەسىڭ ارداگەرلەرى، وبلىستىق جانە اۋداندىق سوت سۋديالارى مەن قىزمەتكەرلەرىنىڭ «سوت جۇيەسىنىڭ ۇزدىگى» ءتوس بەلگىلەرىمەن ماراپاتتالۋى، شىن مانىندە سوتتىڭ ۇيلەسىمدى جۇمىسى - ۇجىمنىڭ ءبىرتۇتاستاس مەحانيزم رەتىندە جۇمىس جاساۋىندا. سانا عۇمىرىن سوت تورەلىگىنە ارناپ، ەل ەسىندە ادىلدىگىمەن ەستە قالعان ارداگەرلەر - جەتەرلىك. ءبولىپ-جارىپ، اراسىنان ۇزدىگىن تاڭداۋ - قاتەلىك. جۇمىستارىنا باعا بەرۋشى - قوعام، حالىق...
- كارانتين رەجيمى سوت پروتسەسىنە كەدەرگى كەلتىرىپ جاتقان جوق پا؟
- قازاقستان رەسپۋبليكاسى سۋديالارىنىڭ VI سەزىندە تۇڭعىش پرەزيدەنت نۇرسۇلتان نازارباەۆتىڭ تاپسىرماسىنا سايكەس «سوت تورەلىگىن قاشىقتان جۇزەگە اسىرۋ» ماقساتىمەن جۇرگىزىلگەن كورەگەن رەفورمالارىنىڭ ناتيجەسىندە، بۇگىندە، ەل ازاماتتارى بۇزىلعان قۇقىقتارىن قاشىقتىقتان، قاۋىپسىزدىك شارالارى ساقتالا وتىرىپ، تولىققاندى قورعاۋ مۇمكىندىگە يە.
- سوتقا، زاڭعا بايلانىستى اقپاراتتاردىڭ اشىقتىعى، قولجەتىمدىلىگى قانداي دەڭگەيدە؟ حالىقپەن كەرى بايلانىس قانشالىقتى ءجيى ورناتىلادى؟
- جاريالىلىق، اقپاراتتىڭ قولجەتىمدىلىگى مەن اشىقتىعى - سوت تورەلىگىن جۇزەگە اسىرۋداعى الەۋمەتتىك باقىلاۋ مەن ازاماتتاردىڭ سوت قورعاۋىنا كەدەرگىسىز قول جەتىمدىلىگىنىڭ كورىنىسى. بۇگىنگى جاھاندانۋ زامانىندا، قوعامعا ۇسىنىلاتىن اقپارتتىڭ شىنايى بولۋى، بوگدە كۇشتەردىڭ بۇرمالاۋىنسىز جەتكىزىلۋى ماڭىزدى. سول سەبەپتى «كەرى بايلانىس» ورناتۋشى - ءباسپاسوز قىزمەتىنىڭ ماڭىزى كۇننەن-كۇنگە ارتۋدا.
جالپى بارلىق دەڭگەيدەگى سوتتاردىڭ ءباسپاسوز قىزمەتى ازاماتتارعا قاجەتتى اقپاراتتى دەر جانە جەتكىلىكتى دارەجەدە ۇسىنادى دەي كەلە، جۇمىستارىنا وڭ باعا بەرۋگە تۇرارلىق.
تسيفرلارعا توقتالا كەتەتىن بولساق، پاندەميانىڭ سەبەبىنەن وتكىزىلەتىن ءىس-شارالار قارقىنىنىڭ باسەڭدەگەگىن ەسكەرە كەلە، 2020 جىلى ينتەرنەت جەلىسىندە 461 ماتەريال جاريالاندى، ونىڭ ىشىندە 250 استامى سۋديالار مەن مامانداردىڭ اۆتورلىعىندا، 115 «دوڭگەلەك ۇستەلدەر» مەن ونلاين كەزدەسۋلەر، 114 ترەنينگ، 15 لەكتسيا،7 بريفينگ وتكىزىلىپ، 33 اشىق ەسىك كۇنى، 500 استام ماقالا باسىلىمداردا جارىق كوردى.
بۇل تسيفرمەن كورسەتۋگە بولاتىن جۇمىستىڭ تەك ءبىر عانا بولىگى...
- قوس تاراپ داۋلى ماسەلەلەردى مەدياتسيالىق جولمەن شەشىپ، بەيبىت كەلىسىمگە كەلەتىن جاعدايلار ءجيى كەزدەسە مە؟ وسى جولمەن قانشا ماسەلە ءوز شەشىمىن تاپتى؟
- قر جوعارعى سوتىنىڭ «تاتۋلاسۋ: سوتقا دەيىن، سوتتا» پيلوتتىق جوباسىڭ نەگىزىندە 2020 جىلى وبلىس سوتتارمەن قارالعان ازاماتتىق ىستەر بويىنشا - 1227, اكىمشىلىك قۇقىق بۇزۋشىلىق تۋرالى ىستەر بويىنشا - 392, قىلمىستىق ىستەر بويىنشا - 147 مەدياتسيالىق كەلىسىم جاسالىپ، تاراپتار ءوزارا كەلىسىمگە كەلدى.
- قوعامدا كەلەڭسىزدىكتەر، اكىمشىلىك قۇقىق بۇزۋشىلىقتار، قىلمىس ورىن الماس ءۇشىن، ولاردىڭ الدىن الۋ ءۇشىن قانشالىقتى ءجيى بريفينگتەر مەن دوڭگەلەك ۇستەلدەر ۇيىمداستىراسىزدار؟
- قر جوعارعى سوتىنىڭ جىل سايىنعى بەكىتىلەتىن مەديا-جوسپارعا سايكەس سۋديالار مەن جاۋاپتى قىزمەتكەرلەر كوممۋنيكاتسيا ورتالىقتارى مەن سوت عيماراتتارىنىڭ نەگىزىندە - سوت جۇيەسى مەن زاڭي تاقىرىپتار قوزعالاتىن ءىس-شارالار وتكىزىپ قانا قويماي، قوعامنىڭ بارلىق-دەرلىك اسپەكتىلەرىن قامتيتىن تاقىرىپتاعى بريفينگتەر مەن دوڭگەلەك ۇستەلدەر وتكىزۋدە.
اتاپ ايتقاندا، 2020 جىلى وتكىزىلگەن 115 «دوڭگەلەك ۇستەل» مەن ونلاين كەزدەسۋلەر، 114 ترەنينگ، 15 لەكتسيا، 7 بريفينگ وتكىزىلىپ، 33 اشىق ەسىك كۇنى اياسىندا، سپيكەرلەر مەن ءىس-شارانى ۇيىمداستىرۋشىلار ۇسىنىلعان ءاربىر مۇمكىندىكتى پايدالانىپ، تىنداۋشىلاردىڭ قۇقىق بۇزۋشىلىقتارعا بارماۋى ماقساتىمەن ۇگىت ناسيحات جۇرگىزدى.
الدىن الۋ جۇمىستارى تەك ارنايى ۇيىمداستىرىلعان ءىس-شارالار بارىسىندا عانا جۇرگىزىلمەي، كۇندەلىكتى ومىردە ورىن الۋى ءتيىس...
-سوت جۇيەسىندەگى سىبايلاس جەمقورلىققا قارسى قانداي ءىس-قيمىلدار جۇرگىزىلىپ جاتىر؟
- جاريالىلىق، اشىقتىق قاعيداتتارىنا باعىتتالعان جۇمىس كۇشەيتىلۋدە.
- سوت ورگاندارىنىڭ سەرۆيستەرى مەن قىزمەتتەرىنىڭ تسيفرلاندىرىلۋ كولەمى ۇلعايتىلۋدا.
- باق-پەن «كەرى بايلانىس» كۇشەيتىلۋدە
- ىشكى قاۋىپسىزدىك قىزمەتىنىڭ ءرولى مەن ماڭىزدىلىعى ارتۋدا.
- 24/7 فورماتىنداعى «سەنىم تەلەفونى» جانە «سall تسەنتر» جۇمىس ىستەۋدە
- سۋديالار مەن سوت قىزمەتكەرلەرىنىڭ ماتەريالدىق-تەحنيكالىق، الەۋمەتتىك-ەكونوميكالىق تۇرعىدا جەتىك قامتاماسىز ەتىلۋدە.
- باسقادا دا وزەكتى جۇمىستار جۇرگىزىلۋدە.
- حالىقتىڭ قۇقىقتىق ساناسى مەن مادەنيەتىن قالىپتاستىرىپ، قۇقىقتىق ساۋاتتىلىعىن ارتتىراتىن جوبالار جۇزەگە اسىپ جاتىر ما؟ ناتيجە قانداي؟
- اتالعان باعىتتا تەك سوت سالاسىن قامتىپ، جۇزەگە اسىرىلىپ كەلەتىن ارنايى جوبالار قاراستىرىلماعان. باياندالعان ماقساتپەن جالپىۇلتتىق باعدارلامالار مەن تۇجىرىمدامالار قابىلدانىپ، ىسكە اسىرىلۋدا.
- بۇگىنگى تاڭدا وبلىستىق سوت جۇيەسىنىڭ قىزمەتىنە كەدەرگى كەلتىرەتىن قانداي فاكتورلار بار? ولاردى شەشۋ جولدارى قاراستىرىلىپ جاتىر ما?
- كۇندەلىكتى جۇمىس بارىسىندا تۋىنداپ، شەشىمى تەز ارادا تابىلاتىن ماسەلەلەرگە «كەدەرگى كەلتىرەتىن فاكتورلار» دەگەن باعا بەرۋ - ارتىقشىلىق.
جالپى مەملەكەت تاراپىنان سوتتاردىڭ قالىپتى جۇمىس ىستەۋى ءۇشىن بارلىق جاعدايلار جاسالعان.
اڭگىمەلەسكەن: ايجان سىلانوۆا،
"ادىرنا" ۇلتتىق پورتالى
