مەملەكەت باسشىسى قاسىم-جومارت توقاەۆ «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى “ادىرنا”.
بۇگىن پرەزيدەنت «ونلاين-پلاتفورمالار جانە ونلاين-جارناما تۋرالى» قازاقستان رەسپۋبليكاسىنىڭ زاڭىنا قول قويدى.
قابىلدانعان زاڭ قازاقستان رەسپۋبليكاسىنىڭ اۋماعىندا جۇمىس ىستەيتىن بارلىق ونلاين پلاتفورمالارعا قاتىستى قوعامدىق قاتىناستاردى، ينتەرنەت-جارنامانى ءوندىرۋ مەن ورنالاستىرۋدا، تاراتۋ جانە ساقتاۋ پروتسەسىندە تۋىندايتىن قوعامدىق قاتىناستاردى رەتتەۋشى قۇرال.
مەملەكەت باسشىسى «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا دا قول قويدى.
ول قۇجاتتىڭ باستى مىندەتى - الەۋمەتتىك جەلىدە بولىپ جاتاتىن بۋللينگ، ازاماتتاردى جەلىدە قورلاۋ، قۇقىعىن اياق استى ەتۋ سەكىلدى كەلەڭسىز فاكتىلەردەن، قارجى پيراميدالارىنان ساقتاپ، ولاردى قورعايدى. سونىمەن قاتار، ەلىمىزدە ساياسي سەپاراتيزم مەن ەكسترەميزمنىڭ الدىن الۋ بويىنشا جۇزەگە اسىپ وتىر.
زاڭ جوباسى نەگىزىنەن ونلاين-پلاتفورمالاردىڭ جۇمىسىن زاڭ اياسىندا جۇيەلەندىرىپ، الەۋمەتتىك جەلى قولدانۋشىلاردى مەملەكەتتىڭ الەۋمەتتىك-ەكونوميكالىق اينالىمىنا ەنگىزە وتىرىپ، وسى سالانى مەملەكەتتىك رەتتەۋدى قالىپتاستىرماق.
