رەسەيلىك ساياساتكەر ۆلاديمير جيرينوۆسكي قازاقستانعا سەس كورسەتە سويلەدى.
"قازاقستانداعى پاۆلودار قالاسىندا 30 كوشەنىڭ اتىن اۋىستىرماق. ورىسشا اتاۋلاردى قازاقشاعا وزگەرتپەك ەكەن. سەندەر وزدەرىڭنىڭ قازاق قالالارىن سالىپ الىڭدار دا، سوندا قازاقشا كوشەلەردى اتاي بەرىڭدەر، وزگەنىكىنە تيمەڭدەر. پەتر تۇسىندا ول جەردە كورياكوۆ فورپوستى بولعان، تۇز شىعارۋشىلاردى قورعايتىن. ول جەردە ەشقانداي مەملەكەت بولعان جوق، قۋ دالا، كەي جەردە كوشپەندىلەر ءجۇردى. 300 جىل بۇرىن قايدا بولدىڭدار قازاقستان؟ سەندەر بولعان جوقسىڭدار. جوڭعار تايپالارى بولدى، بىراق جوڭعار مەملەكەتى بولعان جوق. قازىر بارلىعىنىڭ اتاۋىن وزگەرتىپ جاتىر، اۋىستىرىپ جاتىر. بارلىعى ۇمىتىلىپ، قازاقتارعا قالادى دەپ ويلايدى. ەشكىم ەشتەڭەنى ۇمىتپايدى. ورىس الەمى مەن كەڭىستىگى شەكاراسىن قالپىنا كەلتىرەدى. ءتارتىپ ورناتادى", - دەدى ول.
بۇعان دەيىن رەسەيلىك دەپۋتاتتار نيكونوۆ پەن فەدەروۆ قازاقستاننىڭ اۋماقتىق تۇتاستىعىنا قاتىستى داۋلى سوزدەر ايتقان بولاتىن. قازاقستاندىق تاراپ نوتا جولداپ تا ۇلگەرگەن ەدى.
اسحات قاسەنعالي،
"ادىرنا" ۇلتتىق پورتالى
