Reseılik saıasatker Vladımır Jırınovskıı Qazaqstanǵa ses kórsete sóıledi.
"Qazaqstandaǵy Pavlodar qalasynda 30 kósheniń atyn aýystyrmaq. Oryssha ataýlardy qazaqshaǵa ózgertpek eken. Sender ózderińniń qazaq qalalaryn salyp alyńdar da, sonda qazaqsha kóshelerdi ataı berińder, ózgenikine tımeńder. Petr tusynda ol jerde Korıakov forposty bolǵan, tuz shyǵarýshylardy qorǵaıtyn. Ol jerde eshqandaı memleket bolǵan joq, qý dala, keı jerde kóshpendiler júrdi. 300 jyl buryn qaıda boldyńdar Qazaqstan? Sender bolǵan joqsyńdar. Jońǵar taıpalary boldy, biraq Jońǵar memleketi bolǵan joq. Qazir barlyǵynyń ataýyn ózgertip jatyr, aýystyryp jatyr. Barlyǵy umytylyp, qazaqtarǵa qalady dep oılaıdy. Eshkim eshteńeni umytpaıdy. Orys álemi men keńistigi shekarasyn qalpyna keltiredi. Tártip ornatady", - dedi ol.
Buǵan deıin reseılik depýtattar Nıkonov pen Federov Qazaqstannyń aýmaqtyq tutastyǵyna qatysty daýly sózder aıtqan bolatyn. Qazaqstandyq tarap nota joldap ta úlgergen edi.
Ashat QASENǴALI,
"Adyrna" ulttyq portaly
