Almaty oblysynda 14501 túlek UBT tapsyrady

2694
Adyrna.kz Telegram

Mektep bitirýshi túlekterdiń aldyndaǵy úlken synaq ol - UBT. Bıyl Memlekettik bilim grantyn taǵaıyndaý konkýrsyna qatysý úshin Ulttyq biryńǵaı testileý  alǵash ret elektrondyq formatta 15 sáýir - 30 maýsym aralyǵynda ótkiziletin bolady.

Almaty oblysynda atalǵan oqý jylynda mektep bitirýshi túlek sany 17703 qurap otyr. Olardyń ishinde 1671 bitirýshi "Altyn belgige" úmitker, al úzdik atestat alýǵa 1352 oqýshy qulyq tanytýda. Boljam boıynsha 14501 oqýshy  UBT tapsyrýǵa nıetti.

UBT-nyń elektrondy túrde ótkizilýiniń artyqshylyqtary synaq tapsyrýshy testileý kúnin óz erkimen tańdaı alady. Sonymen qatar testileýge 4 saǵat ýaqyt beriledi jáne tapsyrmalardy kez-kelgen pánnen bastaı alady. Sondaı-aq berilgen ýaqyt aıaqtalǵanǵa deıin jaýap berilgen suraqtarǵa qaıta oralyp, jaýaptardy túzetýge múmkindigi bar. Talapkerlerge yńǵaıly bolý úshin UBT barysynda kompıýter ekranynda kalkýlıator, Mendeleev jáne tuzdardyń erigishtigi kesteleri qoljetimdi bolady. Negizgi shekti meje 140 ball. Túlekter, Qazaqstan tarıhy men matematıkalyq saýattylyq pánderinen 15 suraqtan, oqý saýattylyǵy – 20, tańdaý pánderi - 35, barlyǵy 120 suraqqa jaýap berýi tıis.

"UBT tapsyrýshylar úsh mindetti, eki tańdaý páninen synaq tapsyrady.  Aıta keteıik, test tapsyrý barysy únemi beınebaqylaýda kórinip turady. Memlekettik bilim grantyn utyp alýǵa nıettengen úmitkerler Ulttyq biryńǵaı testileýdi eki márte tapsyratyn múmkindikke ıe. Memlekettik bilim berý grantyn alý konkýrsyna qatysý úshin oqýǵa túsýshi eń jaqsy nátıjesi bar sertıfıkatty usyna alady",- deıdi Almaty oblysy bilim basqarmasy basshysynyń orynbasary Aıjan Mamanqyzy.

Búgingi kúni aımaqta  kompıýterlermen jabdyqtalǵan 5 pýnkt UBT ótkizýge arnaıy jabdyqtalǵan.

Aıta keteıik, testileý barlyq sanıtarlyq-epıdemıologııalyq talaptardy saqtaı otyryp ótkiziledi.

Pikirler
Uqsas jańalyqtar