شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن كوروناۆيرۋستىڭ تارالۋىنىڭ الدىن الۋ شتابىنىڭ وتىرىسى ءوتتى. وندا دەنساۋلىق ساقتاۋ سالاسىنىڭ دايىندىعى تاعى ءبىر رەت پىسىقتادى.
وزدەرىڭىزگە بەلگىلى، قالادا كوروناۆيرۋسپەن كۇرەستىڭ 3 ستسەناريى ازىرلەنگەن بولاتىن. قازىر ا ستسەناريى بويىنشا جۇمىس جۇرگىزىلىپ جاتىر. بۇل ستسەناري بويىنشا 1380 توسەك-ورىن دايىن. B جانە س ستسەناريلەرى بويىنشا 5 مىڭ توسەك-ورىنعا دەيىن دايىندالادى.
قالادا ءوجج اپپاراتتارى مەن وتتەگى، سونىمەن بىرگە ءدارى-دارمەك قورى جەتكىلىكتى.
قازىرگى تاڭدا دەنساۋلىق ساقتاۋ مەكەمەلەرىندە 284 ناۋقاس كوروناۆيرۋسپەن ەم الىپ جاتىر. تولىمدىلىق 20 پايىزدى قۇرايدى. ودان بولەك سيمپتومسىز 133 ناۋقاس ۇيلەرىندە ەمدەۋ ۇستىندە.
شىمكەنت قالاسىندا 29 ناۋرىز كۇنى كوروناۆيرۋسپەن 13 ناۋقاس تىركەلدى. ودان بولەك، 2345 ادام كوروناۆيرۋس جۇقتىرعاندارمەن قارىم-قاتىناستا بولعان. ولار تىركەلگەن ەمحانالاردىڭ باقىلاۋىندا. ماماندار قارىم-قاتىناستا بولعاندارعا كۇندەلىكتى حابارلاسىپ، ۇيدە كارانتين رەجيمىن ساقتاۋ كەرەك ەكەنىن ەسكەرتىپ ايتۋدا. الايدا، سوعان قاراماستان سيمپتومسىز ناۋقاستار مەن قارىم-قاتىناستا بولعاندار سىرتقا شىعىپ كەتىپ جاتقان جاعدايلار جوق ەمەس.
قالا اكىمى نۇر-سۇلتان جانە الماتى قالالارىندا قالىپتاسقان ەپيدەميولوگيالىق جاعدايدى تىلگە تيەك ەتىپ، قالا تۇرعىندارىن بەتپەردە كيىپ جۇرۋگە، كوپشىلىك ورىندارعا بارماۋعا، باسقا دا سانيتارلىق تالاپتاردى ساقتاپ جۇرۋگە شاقىردى. سانيتارلىق تالاپتاردىڭ ورىندالۋىن قاداعالايتىن ءموبيلدى توپتاردىڭ جۇمىسىن كۇشەيتە ءتۇسۋدى تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى
