Shtab otyrysynda densaýlyq saqtaý salasynyń daıyndyǵy pysyqtaldy

4100
Adyrna.kz Telegram

Shymkent qalasynyń ákimi Murat Áıtenovtiń tóraǵalyǵymen koronavırýstyń taralýynyń aldyn alý shtabynyń otyrysy ótti. Onda densaýlyq saqtaý salasynyń daıyndyǵy taǵy bir ret pysyqtady.

Ózderińizge belgili, qalada koronavırýspen kúrestiń 3 senarııi ázirlengen bolatyn. Qazir A senarııi boıynsha jumys júrgizilip jatyr. Bul senarıı boıynsha 1380 tósek-oryn daıyn. B jáne S senarııleri boıynsha 5 myń tósek-orynǵa deıin daıyndalady.

Qalada ÓJJ apparattary men ottegi, sonymen birge dári-dármek qory jetkilikti.

Qazirgi tańda densaýlyq saqtaý mekemelerinde 284 naýqas koronavırýspen em alyp jatyr. Tolymdylyq 20 paıyzdy quraıdy. Odan bólek sımptomsyz 133 naýqas úılerinde emdeý ústinde.

Shymkent qalasynda 29 naýryz kúni koronavırýspen 13 naýqas tirkeldi. Odan bólek, 2345 adam koronavırýs juqtyrǵandarmen qarym-qatynasta bolǵan. Olar tirkelgen emhanalardyń baqylaýynda. Mamandar qarym-qatynasta bolǵandarǵa kúndelikti habarlasyp, úıde karantın rejımin saqtaý kerek ekenin eskertip aıtýda. Alaıda, soǵan qaramastan sımptomsyz naýqastar men qarym-qatynasta bolǵandar syrtqa shyǵyp ketip jatqan jaǵdaılar joq emes.

Qala ákimi Nur-Sultan jáne Almaty qalalarynda qalyptasqan epıdemıologııalyq jaǵdaıdy tilge tıek etip, qala turǵyndaryn betperde kıip júrýge, kópshilik oryndarǵa barmaýǵa, basqa da sanıtarlyq talaptardy saqtap júrýge shaqyrdy. Sanıtarlyq talaptardyń oryndalýyn qadaǵalaıtyn mobıldi toptardyń jumysyn kúsheıte túsýdi tapsyrdy.

Shymkent qalasy ákimdiginiń baspasóz qyzmeti

Pikirler