ەنەرگەتيكتەر شىمكەنتتە ەلەكتر قۋاتىنىڭ ءجيى ءوشۋىنىڭ سەبەبىن ءتۇسىندىردى

3258

قازىرگى ۋاقىتتا قالادا داۋىل، جاۋىن-شاشىن سالدارىنان ەلەكتر ەنەرگياسى ءجيى وشۋدە. قالا تۇرعىندارىنان كەلتىرىلگەن قولايسىزدىق ءۇشىن كەشىرىم سۇراعان ەنەرگەتيكتەر ورىن الىپ جاتقان كەلەڭسىز جاعدايلاردىڭ وزىندىك بىرنەشە سەبەبىن اتاپ ءوتتى.

ەستەرىڭىزگە سالا كەتەيىك، شىمكەنت قالاسىندا اعىمداعى جىلدىڭ 21 ناۋرىز كۇنى اباي اۋدانى اۋماعىندا ورنالاسقان «سامال» 110/10 كۆ ەلەكتر تاراتۋ قوسالقى ستانتسياسىندا بولعان اقاۋ سالدارىنان ءورت شىققان بولاتىن. اپات سالدارىنان قالاداعى 21 مىڭ ابونەنت («نۇرتاس»، «ءنۇرسات»، «شىمسيتي»، «نيۋسيتي ادتس»، «سولتۇستىك-باتىس»، «سامال-3»، «اسار» شاعىناۋداندارى، كوكجايلاۋ تك، تولەمەتوۆ كوشەسىندەگى كوپقاباتتى ۇيلەر) ەلەكتر قۋاتىنسىز قالعان.

ولاردى قايتا ەلەكتر قۋاتىنا قوسۋ ءۇشىن 110/10 كۆ «سامال» ەلەكتر تاراتۋ قوسالقى ستانتسياسىنداعى ۋاقىتشا 10 كۆ تاراتۋ بەكەتى ورناتىلىپ، ەلەكتر قۋاتى بەرىلدى. سونداي-اق، 28 ناۋرىز كۇنى اتالعان تاراتۋ بەكەتىندە اقاۋ ورىن الۋىنا بايلانىستى (كەرنەۋ ترانسفورماتورى ىستەن شىققان) ەلەكتر قۋاتى بەرىلۋىن توقتاتتى. سول سەبەپتى، «سامال-3»، «اسار» شاعىناۋداندارى جانە تولەمەتوۆ كوشەسى بويىندا ورنالاسقان تۇرعىن ۇيلەر، شامامەن 5 مىڭعا جۋىق ابونەنت ەلەكتر قۋاتىنسىز قالدى. بىراق «وڭتۇستىكجارىقترانزيت» جشس-ءى جانە «قۋاتجىلۋورتالىق-3» مكك-ءنىڭ اپاتتى جويۋ بريگاداسىمەن قالپىنا كەلتىرىپ، قازىرگى ۋاقىتتا ورىن العان كەمشىلىك جويىلىپ، ەلەكتر قۋاتى بەرىلدى.

ايتا كەتەيىك، اباي اۋدانى اۋماعىندا ورنالاسقان «سامال» 110/10 كۆ ەلەكتر تاراتۋ قوسالقى ستانتسيانىن تولىق قالپىنا كەلتىرۋگە شامامەن 1 اي ۋاقىت قاجەت ەتەتىنىن حابارلايمىز. سونداي-اق، شىمكەنت قالاسى اۋماعىنداعى كەيبىر ەلدى مەكەندەرىندەگى ەلەكتر تاراتۋ بەكەتى بەلگىسىز تۇلعالار تاراپىنان تونالىپ، ىشىندەگى كەيبىر جابدىقتارى ۇرلانعان. بىرنەشە رەت ورىن العان ماسەلەنى توقتاتۋ ماقساتىندا شىمكەنت قالاسى ەنەرگەتيكا جانە كوممۋنالدىق شارۋاشىلىق باسقارماسىنىڭ ۇيىمداستىرۋىمەن «قۋاتجىلۋورتالىق-3» مكك جانە «وڭتۇستىك جارىق ترانزيت» جشس تاراپىنان ارنايى كەزەكشىلىك ۇيىمداستىرىلدى. دەگەنمەن، ەلەكتر تاراتۋ بەكەتتەرىنىڭ تونالۋى تىيىلماعان. الايدا پوليتسيا قىزمەتكەرلەرىنىڭ كومەگىمەن كۇدىكتىلەر ۇستالدى. قازىرگى تاڭدا تەرگەۋ امالدارى جۇرگىزىلىپ جاتىر.

شىمكەنت قالاسى اكىمدىگىنىڭ ءباسپاسوز قىزمەتى

 

پىكىرلەر
رەداكتسيا تاڭداۋى