Energetıkter Shymkentte elektr qýatynyń jıi óshýiniń sebebin túsindirdi

3259

Qazirgi ýaqytta qalada daýyl, jaýyn-shashyn saldarynan elektr energııasy jıi óshýde. Qala turǵyndarynan keltirilgen qolaısyzdyq úshin keshirim suraǵan energetıkter oryn alyp jatqan keleńsiz jaǵdaılardyń ózindik birneshe sebebin atap ótti.

Esterińizge sala keteıik, Shymkent qalasynda aǵymdaǵy jyldyń 21 naýryz kúni Abaı aýdany aýmaǵynda ornalasqan «Samal» 110/10 kV elektr taratý qosalqy stanııasynda bolǵan aqaý saldarynan órt shyqqan bolatyn. Apat saldarynan qaladaǵy 21 myń abonent («Nurtas», «Nursát», «Shymsıtı», «Nıýsıtı AD», «Soltústik-Batys», «Samal-3», «Asar» shaǵynaýdandary, Kókjaılaý TK, Tólemetov kóshesindegi kópqabatty úıler) elektr qýatynsyz qalǵan.

Olardy qaıta elektr qýatyna qosý úshin 110/10 kV «Samal» elektr taratý qosalqy stanııasyndaǵy ýaqytsha 10 kV taratý beketi ornatylyp, elektr qýaty berildi. Sondaı-aq, 28 naýryz kúni atalǵan taratý beketinde aqaý oryn alýyna baılanysty (kerneý transformatory isten shyqqan) elektr qýaty berilýin toqtatty. Sol sebepti, «Samal-3», «Asar» shaǵynaýdandary jáne Tólemetov kóshesi boıynda ornalasqan turǵyn úıler, shamamen 5 myńǵa jýyq abonent elektr qýatynsyz qaldy. Biraq «OńtústikJaryqTranzıt» JShS-i jáne «Qýatjylýortalyq-3» MKK-niń apatty joıý brıgadasymen qalpyna keltirip, qazirgi ýaqytta oryn alǵan kemshilik joıylyp, elektr qýaty berildi.

Aıta keteıik, Abaı aýdany aýmaǵynda ornalasqan «Samal» 110/10 kV elektr taratý qosalqy stanııanyn tolyq qalpyna keltirýge shamamen 1 aı ýaqyt qajet etetinin habarlaımyz. Sondaı-aq, Shymkent qalasy aýmaǵyndaǵy keıbir eldi mekenderindegi elektr taratý beketi belgisiz tulǵalar tarapynan tonalyp, ishindegi keıbir jabdyqtary urlanǵan. Birneshe ret oryn alǵan máseleni toqtatý maqsatynda Shymkent qalasy energetıka jáne kommýnaldyq sharýashylyq basqarmasynyń uıymdastyrýymen «QýatJylýOrtalyq-3» MKK jáne «Ońtústik Jaryq Tranzıt» JShS tarapynan arnaıy kezekshilik uıymdastyryldy. Degenmen, elektr taratý beketteriniń tonalýy tyıylmaǵan. Alaıda polıııa qyzmetkerleriniń kómegimen kúdiktiler ustaldy. Qazirgi tańda tergeý amaldary júrgizilip jatyr.

Shymkent qalasy ákimdiginiń baspasóz qyzmeti

 

Pikirler
Redakııa tańdaýy