شىمكەنت قالاسىندا ينۆەستيتسيالىق جوبالاردى جەدەل تۇردە قاراپ، ينۆەستورلارعا جان-جاقتى قولداۋ كورسەتەتىن قالا اكىمىنىڭ باسشىلىعىمەن ينۆەستيتسيالىق شتاب قۇرىلدى. شتابتىڭ مىندەتى – ينۆەستور ءۇشىن ەرەكشە جاعدايلاردى قامتاماسىز ەتۋ بويىنشا ناقتى شەشىم قابىلداۋ.
قالا اكىمى مۇرات ايتەنوۆ توراعالىق ەتەتىن شتاب قۇرامىنا قالالىق باسقارمالار، اۋماقتىق دەپارتامەنتتەر مەن مونوپوليستەر كىرەدى. ءار جۇما سايىن وتەتىن شتاب وتىرىسىندا، ينۆەستورلارمەن zoom پلاتفورماسى ارقىلى بايلانىس ورناتىلىپ، اكىمشىلىك كەدەرگىلەردى جويۋ، قولايلى جاعداي ورناتۋ جانە ۇيلەستىرۋ جۇمىستارى جۇرگىزىلىپ وتىرادى.
جالپى قالا ەكونوميكاسى ءۇشىن دەنساۋلىق، تۇرعىن ءۇي، قايتا وڭدەۋ ءوندىرىسى مەن اگروونەركاسىپتىك كەشەن سەكىلدى بازالىق سەكتورلارعا ينۆەستيتسيالار تارتۋعا ەرەكشە نازار اۋدارىلىپ وتىر.
ايتا كەتەيىك، شىمكەنتتە كاسىپكەرلىككە قولداۋ كورسەتىلىپ، ينۆەستيتسيا تارتۋعا باسىمدىق بەرىلىپ وتىر. سونىڭ ناتيجەسىندە وتكەن جىلى ينۆەستيتسيا كولەمى 41 پايىزعا ءوسىپ، 278,5 ملرد.تەڭگەگە جەتكەن. ال، الداعى بەس جىلدا قالاعا بارلىق باعىتتار بويىنشا 3,7 ترلن. تەڭگەنى قۇرايتىن ينۆەستيتسيا تارتۋ جوسپارلانۋدا.
شىمكەنت قالاسى اكىمدىگىنىڭ ءباسپاسوز قىزمەتى
