Shymkent qalasynda ınvestıııalyq jobalardy jedel túrde qarap, ınvestorlarǵa jan-jaqty qoldaý kórsetetin qala ákiminiń basshylyǵymen ınvestıııalyq shtab quryldy. Shtabtyń mindeti – ınvestor úshin erekshe jaǵdaılardy qamtamasyz etý boıynsha naqty sheshim qabyldaý.
Qala ákimi Murat Áıtenov tóraǵalyq etetin shtab quramyna qalalyq basqarmalar, aýmaqtyq departamentter men monopolıster kiredi. Ár juma saıyn ótetin shtab otyrysynda, ınvestorlarmen zoom platformasy arqyly baılanys ornatylyp, ákimshilik kedergilerdi joıý, qolaıly jaǵdaı ornatý jáne úılestirý jumystary júrgizilip otyrady.
Jalpy qala ekonomıkasy úshin densaýlyq, turǵyn úı, qaıta óńdeý óndirisi men agroónerkásiptik keshen sekildi bazalyq sektorlarǵa ınvestıııalar tartýǵa erekshe nazar aýdarylyp otyr.
Aıta keteıik, Shymkentte kásipkerlikke qoldaý kórsetilip, ınvestıııa tartýǵa basymdyq berilip otyr. Sonyń nátıjesinde ótken jyly ınvestıııa kólemi 41 paıyzǵa ósip, 278,5 mlrd.teńgege jetken. Al, aldaǵy bes jylda qalaǵa barlyq baǵyttar boıynsha 3,7 trln. teńgeni quraıtyn ınvestıııa tartý josparlanýda.
Shymkent qalasy ákimdiginiń baspasóz qyzmeti
