شىمكەنتتە ستەند اتۋدان الەم كۋبوگىنىڭ جۇلدەگەرلەرىن قارسى الدى

4007
Adyrna.kz Telegram

قازاقستاندىق قۇرالايدى كوزگە اتقان مەرگەندەرىمىز ۇندىستانداعى الەم كۋبوگىندا 4 مەدالدى (1 التىن، 2 كۇمىس، 1 قولا) قانجىعالارىنا بايلادى.

18-29 ناۋرىز ارالىعىندا ءۇندىستاننىڭ نيۋ-دەلي قالاسىندا ستەند جانە وق اتۋدان الەم كۋبوگى ءوتىپ جاتىر. تارتىستى جارىسقا الەمنىڭ 53 ەلىنەن 300-گە جۋىق مەرگەن سپورتشى قاتىسۋدا.

21 ناۋرىزدا «SKEET» جاتتىعۋىندا ايەلدەر اراسىندا جەرلەسىمىز شىمكەنتتىك كراۆچەنكو زويا 114 ۇپاي سانىمەن 5-ءشى بولىپ فينالعا ەنىپ، تارتىستى ساتتە ۇلىبريتانيا سپورتشىسى حيللدان ءبىر عانا نىساندى ءمۇلت جىبەرىپ، كۇمىس مەدال جەڭىپ الدى (فينالدىق ناتيجە 51 ۇپاي).

ال 22 ناۋرىز كۇنى «SKEET» جاتتىعۋىندا ايەلدەر اراسىندا شىمكەنت قالاسىنىڭ 3 مەرگەنى كوماندالىق ەسەپتە كراۆچەنكو زويا، ناسىروۆا ريناتا مەن پانارينا ولگا 327 ۇپايمەن فينالعا ەكىنشى بولىپ ەنىپ، بايراقتى بەسەكەدە الاڭ يەلەرى ءۇندىستاننىڭ ايەلدەر قۇراما كومانداسىن تىزە بۇكتىرىپ، ناتيجەسىندە سپورتشىلارىمىز التىن مەدالدى قانجىعالادى.

سونىمەن قاتار، «SKEET» جاتتىعۋىندا ەرلەر اراسىندا قازاقستاندىق سپورتشى جىگىتتەر كوماندالىق ەسەپتە پوچيۆالوۆ داۆيد (شىمكەنت ق.), ەششەنكو ەدۋارد (الماتى ق.) پەن مۋحامەديەۆ الەكساندر (شىمكەنت ق.) 501 ۇپايمەن فينالعا ەنىپ، قولا مەدالگە يە بولدى.

جارىستىڭ التىنشى كۇنىندە «SKEET» جاتتىعۋىندا قازاقستاندىق 1-ارالاس قۇراما كومانداسى كوماندالىق ەسەپتە پانارينا ولگا (شىمكەنت ق.) مەن ەششەنكو الەكساندر (الماتى ق.) 140 ۇپايمەن فينالعا ەكىنشى بولىپ ەنىپ، دودادا كۇمىستەن القا تاقتى.

الەم كۋبوگىنىڭ 23 ناۋرىزداعى مەدالدى ناتيجەلەر بويىنشا ەلىمىزدىڭ قۇراماسى - 3 ورىندا تۇر.

شىمكەنت قالاسى اكىمدىگىنىڭ ءباسپاسوز قىزمەتى

 

 

پىكىرلەر