Qazaqstandyq quralaıdy kózge atqan mergenderimiz Úndistandaǵy Álem kýbogynda 4 medaldi (1 altyn, 2 kúmis, 1 qola) qanjyǵalaryna baılady.
18-29 naýryz aralyǵynda Úndistannyń Nıý-Delı qalasynda stend jáne oq atýdan Álem kýbogy ótip jatyr. Tartysty jarysqa álemniń 53 elinen 300-ge jýyq mergen sportshy qatysýda.
21 naýryzda «SKEET» jattyǵýynda áıelder arasynda jerlesimiz shymkenttik Kravchenko Zoıa 114 upaı sanymen 5-shi bolyp fınalǵa enip, tartysty sátte Ulybrıtanııa sportshysy Hılldan bir ǵana nysandy múlt jiberip, kúmis medal jeńip aldy (fınaldyq nátıje 51 upaı).
Al 22 naýryz kúni «SKEET» jattyǵýynda áıelder arasynda Shymkent qalasynyń 3 mergeni komandalyq esepte Kravchenko Zoıa, Nasyrova Rınata men Panarına Olga 327 upaımen fınalǵa ekinshi bolyp enip, baıraqty besekede alań ıeleri Úndistannyń áıelder qurama komandasyn tize búktirip, nátıjesinde sportshylarymyz altyn medaldi qanjyǵalady.
Sonymen qatar, «SKEET» jattyǵýynda erler arasynda qazaqstandyq sportshy jigitter komandalyq esepte Pochıvalov Davıd (Shymkent q.), Eenko Edýard (Almaty q.) pen Mýhamedıev Aleksandr (Shymkent q.) 501 upaımen fınalǵa enip, qola medalge ıe boldy.
Jarystyń altynshy kúninde «SKEET» jattyǵýynda qazaqstandyq 1-aralas qurama komandasy komandalyq esepte Panarına Olga (Shymkent q.) men Eenko Aleksandr (Almaty q.) 140 upaımen fınalǵa ekinshi bolyp enip, dodada kúmisten alqa taqty.
Álem kýbogynyń 23 naýryzdaǵy medaldi nátıjeler boıynsha elimizdiń quramasy - 3 orynda tur.
Shymkent qalasy ákimdiginiń baspasóz qyzmeti
