جالعىزباستى انا 2 جىلعا سوتتالۋى مۇمكىن. قازىرگى تاڭدا باسى داۋعا قالىپ تۇر. بۇل تۋرالى كومەككە مۇقتاج جاندارعا قول ۇشىن سوزىپ جۇرگەن قوعام بەلسەندىسى ەلميرا ەشنيازوۆا ءوز ينستاگرام پاراقشاسىنا جازدى، دەپ حابارلايدى “ادىرنا” ۇلتتىق پورتالى.
ەلميرا ەشنيازوۆانىڭ جازباسى بويىنشا:
”26 جاستاعى فاريزا شىمكەنت قالاسىنىڭ تۋماسى. اقپاننىڭ 3-ءى كۇيەۋىنەن ايىرىلىپ، ءۇش بالاسىمەن جالعىز قالادى. ءوز اكە-شەشەسى ەرتە كەزدە تاستاپ كەتكەن. ال اتا-ەنەسى ۇلدارى قايتقان سوڭ كەلىنىنىڭ ءنومىرىن بۇعاتتاپ تاستاعان.
تامىز ايىندا جۇبايىمەن بىرگە ەلورداعا كوشىپ، پاتەر جالداپ تۇرعان. كورشىسىمەن جانجالداسىپ، ارتى ۇلكەن داۋعا اينالادى. توبەلەس كەزىندە گاز ۇستىندە تۇرعان شاينەك قۇلاپ، كورشىسى دەنە جاراقاتىن الادى. سوراقىسى، بۇل جانجال بالا ءۇشىن بولعان. كورشىسى فاريزانىڭ ۇستىنەن شاعىمدانىپ، ءىسى سوتقا وتەدى.
كەيىن كورشىسى “دەنساۋلىعىما زيان كەلتىردىڭ” دەپ 1 ميلليون 200 مىڭ اقشا سۇراتىپ جاتىر. تولەمەسە 2 جىلعا باس بوستاندىعىنان ايىرىلادى”، - دەپ جازدى پاراقشاسىندا.
ەلميرا ەشنيازوۆا كوپ ادامعا جۇما سايىن باسپانا سىيلاعان Dauletten اتاۋىمەن كوپشىلىككە تانىس داۋلەت مۋكاەۆتى بەلگىلەپ، “كومەكتەسەمىز بە؟”دەگەن ساۋال تاستادى.
حالىق ءاردايىم كومەكتەن قاشقان ەمەس. كوپ تۇكىرسە كول. اناسى اباقتىعا جابىلسا، ءۇش بالا جەتىم قالماق...
”ادىرنا” ۇلتتىق پورتالى
