Jalǵyzbasty ana 2 jylǵa sottalýy múmkin. Qazirgi tańda basy daýǵa qalyp tur. Bul týraly kómekke muqtaj jandarǵa qol ushyn sozyp júrgen qoǵam belsendisi Elmıra Eshnııazova óz ınstagram paraqshasyna jazdy, dep habarlaıdy “Adyrna” ulttyq portaly.
Elmıra Eshnııazovanyń jazbasy boıynsha:
”26 jastaǵy Farıza Shymkent qalasynyń týmasy. Aqpannyń 3-i kúıeýinen aıyrylyp, úsh balasymen jalǵyz qalady. Óz áke-sheshesi erte kezde tastap ketken. Al ata-enesi uldary qaıtqan soń kelininiń nómirin buǵattap tastaǵan.
Tamyz aıynda jubaıymen birge elordaǵa kóship, páter jaldap turǵan. Kórshisimen janjaldasyp, arty úlken daýǵa aınalady. Tóbeles kezinde gaz ústinde turǵan sháınek qulap, kórshisi dene jaraqatyn alady. Soraqysy, bul janjal bala úshin bolǵan. Kórshisi Farızanyń ústinen shaǵymdanyp, isi sotqa ótedi.
Keıin kórshisi “densaýlyǵyma zııan keltirdiń” dep 1 mıllıon 200 myń aqsha suratyp jatyr. Tólemese 2 jylǵa bas bostandyǵynan aıyrylady”, - dep jazdy paraqshasynda.
Elmıra Eshnııazova kóp adamǵa juma saıyn baspana syılaǵan Dauletten ataýymen kópshilikke tanys Daýlet Mýkaevty belgilep, “kómektesemiz be?”degen saýal tastady.
Halyq árdaıym kómekten qashqan emes. Kóp túkirse kól. Anasy abaqtyǵa jabylsa, úsh bala jetim qalmaq...
”Adyrna” ulttyq portaly
