مەن قانداي بلوگگەر بولعىم كەلەدى؟
تۇركيادا تەحنولوگيا سالاسىندا جۇمىس جاساپ جاتقان گەني دوسىم بار. ول تەحنولوگيا مەن كومپپيۋتەردىڭ گەنيى. ەكەۋمىز اقىلداستىق. جالپى مەنىڭ قۇرىلىس سالاسىندا، باسقا دا كومپانيالارمەن كەلىسىم شارت جاساسىپ، ولاردىڭ ستاتۋسىن كوتەرۋ، تەحنيكا مەن تەحنولوگيا سالاسىندا قازاق ءتىلدى كونتەنتتەر جاساۋ، ءوزىمنىڭ قۇرىلىس سالاسىندا ينجەنەرلىك AutoCAD باعدارلامالارىمەن، Microsoft Excel باعدارلامالارىمەن، Archicad, كCorelDRAW گرافيكالىق جۇمىستاردى جاساۋ، ت.ب. باسقا دا باعدارلامالارمەن ينستاگراممدا ونلاين وقىتۋ جۇمىستارىن اقىلى نەگىزدە جۇرگىزۋگە تولىق مۇمكىندىگىمىز جەتەدى. ءارى ونىڭ مامانىمىز.
بىراق ءبىز قازاق سەگمەنتىنە كەرەك، قازاق اۋديتورياسى مەن قازاق جاستارىنا پايدالى دۇنيەنى قازاق تىلىندە جۇرگىزەمىز دەپ اقىلداستىق. بۇل شارانى جۇزەگە اسىرۋعا بىزگە ينستاگراممنان "پودپيسچيكتەرى" ەڭ كەمى 200 000 بولاتىن اككاۋنت كەرەك بولىپ جاتىر. 1 000 000 بولسا ءتىپتى جاقسى بولادى. سونداي اككاۋنت ساتىلادى ما؟ نەگىزى وسى جوبانى ءبىراز ۋاقىت بۇرىن دا اقىلداسىپ ەدىك، ءوزىمىزدىڭ شارۋالارىمىزبەن اينالىسىپ، كەيىنگە قالىپ كەتتى. تەحنولوگيا سالاسىندا قازاق ءتىلدى اۋديتوريانى وقىتىپ، مامانداندىرىپ، جۇمىسقا قوسساق، ءبىزدىڭ بولاشاقتا دا ۇتارىمىز وتە كوپ بولادى. جاستارىمىزعا كوپ پايداسى تيەدى. بۇل تەحنولوگيالىق باعدارلامالاردى ۇيرەنۋ تەك قۇرىلىس سالاسىنا عانا ەمەس، باسقا دا تەحنيكالىق سالالارداعى جوبالاردى قازاقشا جۇزەگە اسىرۋعا مۇمكىندىك بەرەدى.
مىسالى:زاۋىتتار مەن فابيكالاردا;مۇناي مەن گاز سالاسىنا;قۇرىلىس سالاسىنا;ماشينا جاساۋ تەحنولوگياسى سالاسىنا وسى باعدارلامالاردىڭ پايداسى كوپ تيەدى.
سونىمەن قاتار قازاق ءتىلى دە تەحنولوگيانىڭ تىلىنە اينالادى. قازاق ءتىلى عىلىم مەن تەحنولوگيانىڭ تىلىندە جۇمىس جاساماي ەشقاشان دا دامىمايتىنىن ءبىز بىلدىك. جۇمىستى گرافيك بويىنشا، تەماتيكالارىن انىقتاپ، رەتىمەن جۇرگىزەمىز دەپ وتىرمىز. نەگە وسى جوبانى ىسكە اسىرماسقا؟ مۇمكىندىگىمىز تولىق جەتىپ تۇر عوي. بىزگە قازىر ينجەنەرلەر، تەحنولوگتار، تەحنيكالىق كادرلار كەرەك. ءسىز قالاي ويلايسىز؟
بەكبولات قارجان،
"ادىرنا" ۇلتتىق پورتالى
