Men qandaı blogger bolǵym keledi?
Túrkııada tehnologııa salasynda jumys jasap jatqan genıı dosym bar. Ol tehnologııa men komppıýterdiń genııi. Ekeýmiz aqyldastyq. Jalpy meniń qurylys salasynda, basqa da kompanııalarmen kelisim shart jasasyp, olardyń statýsyn kóterý, tehnıka men tehnologııa salasynda qazaq tildi kontentter jasaý, ózimniń qurylys salasynda ınjenerlik AutoCAD baǵdarlamalarymen, Microsoft Excel baǵdarlamalarymen, Archicad, KCorelDRAW grafıkalyq jumystardy jasaý, t.b. basqa da baǵdarlamalarmen ınstagrammda onlaın oqytý jumystaryn aqyly negizde júrgizýge tolyq múmkindigimiz jetedi. Ári onyń mamanymyz.
Biraq biz qazaq segmentine kerek, qazaq aýdıtorııasy men qazaq jastaryna paıdaly dúnıeni qazaq tilinde júrgizemiz dep aqyldastyq. Bul sharany júzege asyrýǵa bizge Instagrammnan "podpıschıkteri" eń kemi 200 000 bolatyn akkaýnt kerek bolyp jatyr. 1 000 000 bolsa tipti jaqsy bolady. Sondaı akkaýnt satylady ma? Negizi osy jobany biraz ýaqyt buryn da aqyldasyp edik, ózimizdiń sharýalarymyzben aınalysyp, keıinge qalyp ketti. Tehnologııa salasynda qazaq tildi aýdıtorııany oqytyp, mamandandyryp, jumysqa qossaq, bizdiń bolashaqta da utarymyz óte kóp bolady. Jastarymyzǵa kóp paıdasy tıedi. Bul tehnologııalyq baǵdarlamalardy úırený tek qurylys salasyna ǵana emes, basqa da tehnıkalyq salalardaǵy jobalardy qazaqsha júzege asyrýǵa múmkindik beredi.
Mysaly:Zaýyttar men fabıkalarda;Munaı men gaz salasyna;Qurylys salasyna;Mashına jasaý tehnologııasy salasyna osy baǵdarlamalardyń paıdasy kóp tıedi.
Sonymen qatar qazaq tili de tehnologııanyń tiline aınalady. Qazaq tili ǵylym men tehnologııanyń tilinde jumys jasamaı eshqashan da damymaıtynyn biz bildik. Jumysty grafık boıynsha, tematıkalaryn anyqtap, retimen júrgizemiz dep otyrmyz. Nege osy jobany iske asyrmasqa? Múmkindigimiz tolyq jetip tur ǵoı. Bizge qazir ınjenerler, tehnologtar, tehnıkalyq kadrlar kerek. Siz qalaı oılaısyz?
Bekbolat QARJAN,
"Adyrna" ulttyq portaly
