Men qandai blogger bolǧym keledı?
Türkiiada tehnologiia salasynda jūmys jasap jatqan genii dosym bar. Ol tehnologiia men komppiuterdıŋ geniiı. Ekeumız aqyldastyq. Jalpy menıŋ qūrylys salasynda, basqa da kompaniialarmen kelısım şart jasasyp, olardyŋ statusyn köteru, tehnika men tehnologiia salasynda qazaq tıldı kontentter jasau, özımnıŋ qūrylys salasynda injenerlık AutoCAD baǧdarlamalarymen, Microsoft Excel baǧdarlamalarymen, Archicad, KCorelDRAW grafikalyq jūmystardy jasau, t.b. basqa da baǧdarlamalarmen instagrammda onlain oqytu jūmystaryn aqyly negızde jürgızuge tolyq mümkındıgımız jetedı. Ärı onyŋ mamanymyz.
Bıraq bız qazaq segmentıne kerek, qazaq auditoriiasy men qazaq jastaryna paidaly dünienı qazaq tılınde jürgızemız dep aqyldastyq. Būl şarany jüzege asyruǧa bızge İnstagrammnan "podpischikterı" eŋ kemı 200 000 bolatyn akkaunt kerek bolyp jatyr. 1 000 000 bolsa tıptı jaqsy bolady. Sondai akkaunt satylady ma? Negızı osy jobany bıraz uaqyt būryn da aqyldasyp edık, özımızdıŋ şarualarymyzben ainalysyp, keiınge qalyp kettı. Tehnologiia salasynda qazaq tıldı auditoriiany oqytyp, mamandandyryp, jūmysqa qossaq, bızdıŋ bolaşaqta da ūtarymyz öte köp bolady. Jastarymyzǧa köp paidasy tiedı. Būl tehnologiialyq baǧdarlamalardy üirenu tek qūrylys salasyna ǧana emes, basqa da tehnikalyq salalardaǧy jobalardy qazaqşa jüzege asyruǧa mümkındık beredı.
Mysaly:Zauyttar men fabikalarda;Mūnai men gaz salasyna;Qūrylys salasyna;Maşina jasau tehnologiiasy salasyna osy baǧdarlamalardyŋ paidasy köp tiedı.
Sonymen qatar qazaq tılı de tehnologiianyŋ tılıne ainalady. Qazaq tılı ǧylym men tehnologiianyŋ tılınde jūmys jasamai eşqaşan da damymaitynyn bız bıldık. Jūmysty grafik boiynşa, tematikalaryn anyqtap, retımen jürgızemız dep otyrmyz. Nege osy jobany ıske asyrmasqa? Mümkındıgımız tolyq jetıp tūr ǧoi. Bızge qazır injenerler, tehnologtar, tehnikalyq kadrlar kerek. Sız qalai oilaisyz?
Bekbolat QARJAN,
"Adyrna" ūlttyq portaly
Ūqsas jaŋalyqtar
