ءۇشىنشى مەگاپوليستە 5-20 ناۋرىز ارالىعىندا قالا اكىمىنىڭ قولداۋىمەن «قازاقيام – ازات ۇيام» دەگەن تاقىرىپتا جىر ءمۇشايراسى ءوتتى. شىمكەنت قالالىق مادەنيەت، تىلدەردى دامىتۋ جانە ارحيۆتەر باسقارماسى مەن قازاقستان جازۋشىلار وداعى شىمكەنت قالالىق فيليالىمەن بىرلەسە وتكىزگەن بۇل شارا «رۋحاني جاڭعىرۋ جوباسى اياسىندا تاۋەلسىزدىگىمىزدىڭ 30 جىلدىعىنا وراي ۇيىمداستىرىلدى.
جىر ءمۇشايراسىن وتكىزۋدەگى نەگىزگى ماقسات - قالامگەرلەردىڭ رۋحانياتتىڭ ماڭىزدى سالاسى – ۇلتتىق ادەبيەتىمىزدىڭ دامۋىنا اتسالىسىپ، ۇلەستەرىن قوسۋىنا ىقپال ەتۋ. سونىمەن بىرگە ايماق اقىندارىنىڭ ەركىن ەلدىڭ جارقىن كورىنىستەرىن، كەمەل كەلەشەگىن، ولاردىڭ ەگەمەندىگىمىزدىڭ قۋاتى مەن قۇندىلىقتارىن جىر قۇدىرەتىمەن پاش ەتۋىنە ىنتالىلىعىن، شىعارماشىلىق بەلسەندىلىگىن ارتتىرۋ، شەبەرلىگىن شىڭداي ءتۇسۋ.
ءمۇشايرا ىرىكتەۋ جانە قورىتىندى كەزەڭنەن تۇردى. سونىمەن بىرگە پروزا جانە پوەزيا دەپ ەكى باعىتتا ءوتتى. ۇمىتكەرلەر تاۋەلسىزدىك نەمەسە ەركىن تاقىرىپقا ولەڭ-جىر نە اڭگىمە ۇسىنۋى ءتيىس بولعان. جاستارىنا شەكتەۋ قويىلماعان.
ناتيجەسىندە تومەندەگىلەر جەڭىمپاز دەپ تانىلدى. ولارعا اقشالاي سىيلىقتار مەن ديپلومدار تابىستالدى.
پروزا باعىتىندا:
1-ورىن: جۇلدە قورى 8 ۇمىتكەرگە ىنتالاندىرۋ رەتىندە تابىستالدى (500 000₸)
2-ورىن: كاميلا تىلەپوۆا "جولايرىق" اڭگىمەسى (300 000₸)
3-ورىن: زاحاردين قىستاۋبايۇلى "ەگىزدىڭ سىڭارى" دراماسى (200 000₸)
پوەزيا باعىتىندا:
1-ورىن: ارايلىم مۇراتاليەۆا (500 000₸)
2-ورىن: ءالىمجان الىشەر (300 000₸)
3-ورىن: اقبوتا بەيبىتبەك (200 000₸)
ىنتالاندىرۋ سىيلىقتارى: (اربىرىنە 100 مىڭ تەڭگەدەن)
باۋىرجان ەرمان
ءبىرجان بايتۋوۆ
سەزىم مەرگەنباي
شىمكەنت قالاسى اكىمدىگىنىڭ ءباسپاسوز قىزمەتى
