Úshinshi megapolıste 5-20 naýryz aralyǵynda qala ákiminiń qoldaýymen «Qazaqııam – azat uıam» degen taqyrypta jyr músháırasy ótti. Shymkent qalalyq mádenıet, tilderdi damytý jáne arhıvter basqarmasy men Qazaqstan Jazýshylar odaǵy Shymkent qalalyq fılıalymen birlese ótkizgen bul shara «Rýhanı jańǵyrý jobasy aıasynda Táýelsizdigimizdiń 30 jyldyǵyna oraı uıymdastyryldy.
Jyr músháırasyn ótkizýdegi negizgi maqsat - qalamgerlerdiń rýhanııattyń mańyzdy salasy – ulttyq ádebıetimizdiń damýyna atsalysyp, úlesterin qosýyna yqpal etý. Sonymen birge aımaq aqyndarynyń erkin eldiń jarqyn kórinisterin, kemel keleshegin, olardyń egemendigimizdiń qýaty men qundylyqtaryn jyr qudiretimen pash etýine yntalylyǵyn, shyǵarmashylyq belsendiligin arttyrý, sheberligin shyńdaı túsý.
Músháıra irikteý jáne qorytyndy kezeńnen turdy. Sonymen birge proza jáne poezııa dep eki baǵytta ótti. Úmitkerler táýelsizdik nemese erkin taqyrypqa óleń-jyr ne áńgime usynýy tıis bolǵan. Jastaryna shekteý qoıylmaǵan.
Nátıjesinde tómendegiler jeńimpaz dep tanyldy. Olarǵa aqshalaı syılyqtar men dıplomdar tabystaldy.
Proza baǵytynda:
1-oryn: júlde qory 8 úmitkerge yntalandyrý retinde tabystaldy (500 000₸)
2-oryn: Kamıla Tilepova "Jolaıryq" áńgimesi (300 000₸)
3-oryn: Zahardın Qystaýbaıuly "Egizdiń syńary" dramasy (200 000₸)
Poezııa baǵytynda:
1-oryn: Araılym Muratalıeva (500 000₸)
2-oryn: Álimjan Álisher (300 000₸)
3-oryn: Aqbota Beıbitbek (200 000₸)
Yntalandyrý syılyqtary: (árbirine 100 myń teńgeden)
Baýyrjan Erman
Birjan Baıtýov
Sezim Mergenbaı
Shymkent qalasy ákimdiginiń baspasóz qyzmeti
