21 ناۋرىز كۇنى اباي اۋدانى اۋماعىندا ورنالاسقان "سامال-3" 110/10كۆا ەلەكتر تاراتۋ قوسالقى ستانتسياسىندا بولعان اقاۋ سالدارىنان ءورت شىققان.
اپات سالدارىنان قالانىڭ 21 مىڭ ابونەنتى («نۇرتاس»، «ءنۇرسات»، «شىمسيتي»، «نيۋسيتي ادتس»، «سولتۇستىك-باتىس»، «سامال-3»، «اسار» شاعىناۋداندارى، كوكجايلاۋ تك، تولەمەتوۆ كوشەسىندەگى كوپقاباتتى ۇيلەر) جارىقسىز قالدى.
ءورت ورنىنا توتەنجە جاعدايلار دەپارتامەنتىنىڭ 27 قىزمەتكەرى، "وڭتۇستىك جارىق ترانزيت" جشس-نەن 15 ادام، "قۋات جىلۋ" مكك-دان 22 ادام، 14 دانا تەحنيكا شۇعىل جۇمىلدىرىلدى.
قازىرگى تاڭدا ءورت تولىعىمەن ءسوندىرىلىپ، ەلەكتر جارىعىن قايتا قوسۋ جۇمىستارى جۇرگىزىلۋدە.
وقيعا ورنىنا قالا اكىمى مۇرات ايتەنوۆ بارىپ، تۇرعىندارعا جارىقتىڭ جىلدام بەرىلۋىن قاداعالاۋدا.
شۇعىل ءىس-قيمىلدىڭ ارقاسىندا "نۇرتاس", "شىمسيتي", "نۇرسات", ءاىو، "سولتۇستىك-باتىس، اقجايىق شاعىن اۋداندارىنا ەلەكتر قۋاتى وزگە قوسالقى ستانسادان قايتا بەرىلدى. ازىرگە قوسىلماي تۇرعانى سامال-3, اسار اۋدانى جانە تولەمەتوۆ كوشەسىندەگى كوپقاباتتى ۇيلەر. بۇل ابونەنتتەردى قوسۋ جۇمىستارى شۇعىل جۇرگىزىلىپ جاتىر.
جارىقتىڭ بەرىلۋىنە تىكەلەي جاۋاپتى ەنەرگەتيكا جانە كوممۋنالدىق شارۋاشىلىق باسقارماسى، "وڭتۇستىك جارىق ترانزيت" جشس-ءسى جانە "قۋات جىلۋ ورتالىعى-3" مكك باسشىلىعى ءار ەكى ساعات سايىن اقپارات بەرىپ وتىرادى.
قالا تۇرعىندارى كەزەڭ-كەزەڭىمەن 2 كۇن ىشىندە جارىقپەن تولىق قامتاماسىز ەتىلەدى. ال جارىق بەرۋ ستانساسىندا بولعان اپاتتى جاعدايدى قالپىنا كەلتىرۋ ءۇشىن شامامەن 20 كۇن ۋاقىت كەتەدى.
ەلەكتر قۋاتىن ىسكە قوسۋ جۇمىستارىنا وسى كەزدە 45 ادام جۇمىلدىرىلعان.
شاھار باسشىسى تۇرعىندارعا سابىرلىلىق تانىتىپ، تۇسىنىستىكپەن قاراۋعا شاقىردى. جانە جاۋاپتى سالا قىزمەتكەرلەرىنە مەرەكەگە قاراماي، تاۋلىك بويى قالپىنا كەلتىرۋ جۇمىستارىن توقتاتپاي، جارىقتىڭ قوسىلۋىن بارىنشا تەزدەتۋىن تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى
