ونەرلى ۇستاز يدريسوۆا گۇلنار ءوز ءىسىنىڭ مامانى، تالاي شاكىرتتى تاربيەلەپ قانا قويماي، اتا- انالاردىڭ العىسىنا بولەنىپ جۇرگەن جان. جاس مامان ىسكەر، شىعارماشىل، ىزدەنىمپاز قابىلەتىنىڭ ارقاسىندا از ۋاقىت ىشىندە «شاشۋ» بي توبىن قۇردى.
مەملەكەتتىك كوممۋنالدىق مەكەمەسىندەگى «شاشۋ» بي توبىنىڭ جەتەكشىسى رەتىندە تالاي بەلەستەردى باعىندىرىپ كەلەدى. شاكىرتتەرى قالالىق، رەسپۋبليكالىق، حالىقارالىق بايقاۋلارعا قاتىسىپ، جۇلدەلى ورىنداردان كورىندى.
ماسەلەن، ولار «بالاۋسا-2010»، «اق كوگەرشىن-2010»، «بالداۋرەن-2012»، «اسىل مۇرا-2013» «عۇمىرداريا-2017»، «نۇرلى جاستار-2018»، «نۇر الەم جۇلدىزى-2018»، «Golden Avenus of Stars-2019»، «وسەننيە مەلودي-2020»، «سامعا اۋەن-2020»، «Golden star of Qazakhstan-2020»، «ونەر الەمى-2020» «Dreamfest-2021» ت.ب. سىندى بايقاۋلارعا قاتىسقان.
ماقساتى ۇلتتىق ناقىشتاعى حالىق بيلەرىن ناسيحاتتاي وتىرىپ، ۇلتتىق قۇندىلىعىمىزدى دارىپتەۋ. قازاق قىزدارىنىڭ پاراساتتىلىعىن، يبالىعىن كورسەتۋ. بۇل قازاقي تاربيەمەن سۋسىنداپ وسكەن ءاربىر جاننىڭ ارمانى ەلىنە قىزمەت ەتۋ، -دەيدى ۇستاز. ال، يدريسوۆا گۇلناردىڭ ماقساتى جانە ارمانى - ءوز ەلىنىڭ بي ونەرىن تانىتۋ.
وسى ماقساتتا ايانباي ەڭبەك ەتىپ كەلەدى. بي ونەرىنىڭ ساباقتارى ساپالى بولۋ ءۇشىن كورنەكىلىك، وقىلاتىن ماتەريالدارعا شىعارماشىلىق ىقپال جاساي ءبىلۋ كەرەك ەكەندىگىن باستى نازاردا ۇستايدى.
جالپى بي ونەرىن دۇرىس وقىتۋ – بۇل تاريحىمىزدى، سالت-ءداستۇرىمىزدى، ۇلتتىق سازىمىزدى تانىتا وتىرىپ تاربيەلەۋ. سونىمەن قاتار وقۋشىنىڭ دەنە ءبىتىمىن ادەمى قالىپتاسۋىنا ۇلەسى زور، ناعىز دەنساۋلىقتى شىڭدايتىن ءپان ەكەندىگىن ۇعىندىرىپ جۇرگەن بىلىكتى مامان ەكەندىگىن ۇجىمدا جەتىستىكتەرىمەن دالەلدەپ جۇرگەن ۇستاز.
شىمكەنت قالاسى اكىمدىگىنىڭ ءباسپاسوز قىزمەتى
➖➖➖➖➖➖➖➖➖➖➖➖➖➖➖➖
