Ónerli ustaz Idrısova Gúlnar óz isiniń mamany, talaı shákirtti tárbıelep qana qoımaı, ata- analardyń alǵysyna bólenip júrgen jan. Jas maman isker, shyǵarmashyl, izdenimpaz qabiletiniń arqasynda az ýaqyt ishinde «Shashý» bı tobyn qurdy.
Memlekettik kommýnaldyq mekemesindegi «Shashý» bı tobynyń jetekshisi retinde talaı belesterdi baǵyndyryp keledi. Shákirtteri qalalyq, respýblıkalyq, halyqaralyq baıqaýlarǵa qatysyp, júldeli oryndardan kórindi.
Máselen, olar «Balaýsa-2010», «Aq kógershin-2010», «Baldaýren-2012», «Asyl mura-2013» «Ǵumyrdarııa-2017», «Nurly jastar-2018», «Nur álem juldyzy-2018», «Golden Avenus of Stars-2019», «Osennıe melodıı-2020», «Samǵa áýen-2020», «Golden star of Qazakhstan-2020», «Óner álemi-2020» «Dreamfest-2021» t.b. syndy baıqaýlarǵa qatysqan.
Maqsaty ulttyq naqyshtaǵy halyq bılerin nasıhattaı otyryp, ulttyq qundylyǵymyzdy dáripteý. Qazaq qyzdarynyń parasattylyǵyn, ıbalyǵyn kórsetý. Bul qazaqı tárbıemen sýsyndap ósken árbir jannyń armany eline qyzmet etý, -deıdi ustaz. Al, Idrısova Gúlnardyń maqsaty jáne armany - óz eliniń bı ónerin tanytý.
Osy maqsatta aıanbaı eńbek etip keledi. Bı óneriniń sabaqtary sapaly bolý úshin kórnekilik, oqylatyn materıaldarǵa shyǵarmashylyq yqpal jasaı bilý kerek ekendigin basty nazarda ustaıdy.
Jalpy bı ónerin durys oqytý – bul tarıhymyzdy, salt-dástúrimizdi, ulttyq sazymyzdy tanyta otyryp tárbıeleý. Sonymen qatar oqýshynyń dene bitimin ádemi qalyptasýyna úlesi zor, naǵyz densaýlyqty shyńdaıtyn pán ekendigin uǵyndyryp júrgen bilikti maman ekendigin ujymda jetistikterimen dáleldep júrgen ustaz.
Shymkent qalasy ákimdiginiń baspasóz qyzmeti
➖➖➖➖➖➖➖➖➖➖➖➖➖➖➖➖
